Ekonomi

Rukiqi paralajmëron protesta të bizneseve nëse vazhdojnë problemet me energji elektrike

Autori: Gazeta inFokus 15:57 | 23 Nëntor 2018

Kryetari i Odës Ekonomike të Kosovës, Berat Rukiqi ka reaguar lidhur me reduktimet e energjisë elektrike në Kosovë.

Rukiqi ka thënë se prej se është zgjedhur kryetar, energjia elektrike është njëra nga problemet më fundamentale me të cilin ballafaqohen bizneset.

“Prej qe jam zgjedhur, nje nga problemet me fundamentale me te cilat ballafaqohen bizneset eshte energjia elektrike. Disa here kam tentuar qe te gjejme nje zgjidhje me KEDS-in per shume kerkesa individuale, por deri sot progresi eshte shume i vogel”, ka shkruar Rukiqi.

-Advertisement-

Ai ka thënë se do t’i kërkojë KEDS-it që të veprojë urgjentisht për ta rregulluar këtë problem, duke paralajmruar se nëse nuk plotësohen kërkesat e tyre, bizneset do të detyrohen t’i radikalizojnë veprimet e tyre.

“Sot do t’i drejtohem me letër menaxhmentit të KEDS-it, për të kërkuar një sërë veprimesh emergjente të cilat janë kërkesa bazike të bizneseve, bazuar në të drejtat e tyre themelore dhe që kërkojnë veprime emergjente nga KEDS-i. Nëse nuk kemi asnjë veprim, siç po ndodh deri tani, bizneset do të detyrohen të radikalizojnë veprimet e tyre, për të siguruar qasje në një të drejtë themelore, pra ne furnzim të rregullt me energji elektrike”, ka shkruar Rukiqi në Facebook.

Insajderi ka kontaktuar me Rukiqin për ta pyetur sepër çfarë veprime radikale bëhet fjalë, nëse KEDS-i nuk i plotëson.

“Do t’i diskutojmë, përfshirë protestat dhe ndoshta gjëra tjera”, ka thënë Rukiqi.