Ekonomi

Rukiqi në Beograd tregon për sfidat e bizneseve në Ballkanin Perëndimor

Autori: Gazeta inFokus 10:41 | 30 September 2018

Kryetari i Odës Ekonomike të Kosovës, Berat Rukiqi ka marrë pjesë në konferencën ekonomikë rajonale “The Western Balkans in 2030”, e cila u organizua në Beograd.

Rukiqi ka deklaruar se atje ka prezantuar disa prej sfidave të bizneseve në Ballkanin Perëndimor, duke përmendur si një prej problematikave, pritjet e gjata në kufi.

Ai gjithashu ka thënë se nuk mund të ketë eksport nga një vend në tjetrin, kur vetëm kostoja vjetore e printimit të dokumentacionit të kërkuar shkon deri në 20 mijë euro për një kompani, raporton Gazeta inFokus.

-Advertisement-

“Nuk mund te flasim per vizion ne Ballkanin Perendimor, kur per nje eksport nga nje vend ne tjetrin, ne rrethana te supozuara te tregtise te lire, vetem kostoja vjetore e printimit te dokumentacionit te kerkuar shkon deri 20,000 euro per nje kompani. Nuk mund te flasim per vizion ne Ballkanin Perendimor, kur BE lidhjen e vet me vendet e Ballkanit Perendimor, e ben permes ndertimit te relacioneve me individe te fuqishem, duke anashkaluar nevojat e qytetareve te ketyre vendeve per reforma dhe zhvillim”, ka deklaruar i pari i OEK-ut.

Në këtë konferencë morrën pjesë kompanitë më të mëdha gjermane, të cilat janë prezente në rajon. /Gazeta inFokus