Pas vendimit të Qeverisë së Kosovës për vendosjen e masës mbrojtëse për importin e produkteve të prodhuara në Serbi dhe në Bosnjë dhe Hercegovinë ka reaguar kryetari i Odës Ekonomike, Berat Rukiqi.

Rukiqi ka thënë se e përkrahë vendimin e Qeverisë, shkruan Gazeta inFokus.

“Kam kërkuar ka qenë e lidhur me destrikutivitetin dhe dëmet 30 milionëshe që i shkakton vetëm implementimi i marrëveshjes për energji ku është kërkuar ndoshta një taksë e tillë për me kompensua këtë dëm. Dje Qeveria ka marr një vendim të cilin e kemi përkrahur në kuptim të interesit shtetëror dhe besoj që edhe kompanitë dhe sektori privat do të rreshtohet në këtë drejtim, pasi që ne kemi nevojë të pozicionohemi dhe ta shikojmë mundësinë edhe për riorientim ekonomik besoj në pjesën që lidhet me eksportet me përkrahjen e prodhimit tonë, por normalisht edhe me tregjet tjera”, ka thënë Rukiqi.

Ndërsa rreth reagimit të BE-së për mosrespektimit të marrëveshjes se CEFTAS-ë, Rukiqi ka thënë se Brukseli nuk ka reaguar kur Kosova është ballafaquar me barriera.

“Problemet në implementimin e marrëveshjes së CEFTA-së qëndrojnë tek barrierat jo tarifore ne më së paku besoj që kemi minimum ka pasur ankesa, ndërsa nëse i shikojmë tregjet përreth gjithkund jemi ballafaquar me barriera jo tarifore dhe asnjëherë Brukseli në asnjë instancë nuk ka reaguar fuqishëm për cenimin e të drejtës së barabartë për me e shfrytëzuar këtë marrëveshje, pra marrëveshjen e CEFTA-së kështu që në përgjithësi besoj që sjellja e Komisionit Evropian dhe e Brukselit në raport me marrëveshjen ndërkombëtare duhet të ndryshoj, të trajtohen të gjithë dhe të ushtrohet presion mbi ët gjithë dhe jo vetëm në rastet kur ne marrim vendime të caktuara”, ka thënë ai.

Ndryshe Qeveria e Kosovës të martën ka vendosur masë në importin e mallrave nga Serbia dhe Bosnja e Hercegovina.
Në mbledhjen e Qeverisë, ministri i Tregtisë dhe Industrisë, Endrit Shala ka propozuar vendosjen e e masës prej 10 % për disa produkte që prodhohen në këto dy shtete.

Ndërsa zëvendëskryeministri, Enver Hoxhaj ka thënë se kjo është përgjigja me e mirë për sjelljet destruktive të Serbisë
“Serbia po shpërndan shuma të mëdha parash që ta dëmtojë shtetin e Kosovës dhe një pjesë e madhe e këtyre parave vijnë nga tregtia me shtetin tonë. Kjo është përgjigja më e mirë ndaj sjelljeve destruktive të Serbisë”, tha Hoxhaj./Gazeta inFokus/

Lexo edhe: Nis zbatimi i vendimit për taksë ndaj mallrave serbe

Marsi sjell Magji në ETC

Sponsoruar