Ekonomi

Rukiqi: Destabiliteti politik po i dekurajon investitorët

Autori: Gazeta inFokus 15:31 | 28 March 2018

Jostabiliteti politik që është krijuar në vend pas daljes së Listës Serbe nga Qeveria Haradinaj pritet të ketë pasoja negative në ekonominë e vendit. Madje, ky veprim i Listës Serbe ndikon edhe në zhvillimin ekonomik të vendit.

Kështu vlerësojnë edhe njohësit e ekonomisë.

Berat Rukiqi nga Oda Ekonomike e Kosovës, njëherit profesor në Faklutetin Ekonomik ka thënë për Infokusin se jostabiliteti politik mbetet një prej sfidave kryesore për rritjen e investimeve dhe krijimin e një ambienti më të mirë për biznes.

-Advertisement-

Deklaron se nga destabiliteti politik investitorët dekurajohen për të investuar në vend.

“Një ndër parakushtet për me u rrit investimet është edhe stabiliteti politik. Kosova në tri vitet e fundit nuk ka pas stabilitet politik dhe shihet edhe që investimet nuk janë rritur dhe ka pas ndikim shumë negativ.”, ka thënë Rukiqi për Infokusin.

Ndërsa, kur është pyetur se a do të ndikojë kjo gjendje në vazhdimin e reformave të nisura, Rukiqi beson se në këtë aspekt opozita do ta përkrahë Qeverinë për interesat nacionale të vendit.

Edhe Drejtori Ekzekutiv i Odës së Afarizmit të Kosovës, Ismet Mulaj ka thënë për se largimi i Listës Serbe nga Qeveria, do të ndikojë në ardhjen e investitorëve të huaja.

Stabilitet politik është një nga kërkesat e para që bëjnë investitorët e huaj, sapo ta qesin hapin në vendin më të varfër në rajon.

Ndryshe, largimi i Listës Serbe nga Qeveria Haradinaj vjen pas arrestimit të Drejtorit të së ashtuquajturës Zyrë për Kosovën në Qeverinë e Serbisë, Marko Gjuriq nga autoritetet kosovare.

Arrestimi i tij erdhi pasi që Gjuriq kishte hyrë në territorin e Kosovës, ani pse Ministria e Punëve të Jashtme të Kosovës nuk i kishte dhënë lejë për këtë./Infokusi

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

ekonomi

Ky website përdor cookies. Duke vazhduar përdorimin, ju pranoni përdorimin e tyre.

Privacy policy