Afro 90 mijë qytetarëve të Kosovës, të cilët llogaritet se jetojnë në varfëri, edhe gjatë tri viteve të ardhshme nuk do tu përmirësohet gjendja.

Edhe pse rritja ekonomike në Kosovë për vitin 2019-të sipas raporti të fundit ekonomik për Ballkanin Perëndimore të Bankës Botërore është më e larta në rajon, njohësit e ekonomisë thonë se  Kosova do të vazhdojë edhe gjatë viteve të ardhshme të ketë situatë të njëjtë të ekonomisë, shkruan gazeta inFokus.

Sipas Bankës Botërore, Kosova pritet të ketë rritje ekonomike prej 4.5 për qind për vitet 2019, 2020 dhe 2021.

-Advertisement-

Mirëpo përkundër kësaj, kryetari i Odës Ekonomike Amerikane në Kosovë, Arian Zeka vlerëson se efekti në krijimin e vendeve të punës do të jetë i vogël.

“Edhe gjatë vitit 2018-të përafërsisht kemi parë një normë të ngjashme të rritjes që realisht nuk kemi pasur vende të reja të punës të krijuar. Sipas statistikave zyrtare kemi pasur një rënie të lehte të të punësuarve në nivel të vendit. Prandaj ajo çfarë dua të potencoj është së norma si e tillë  nuk është së do të garantoj vende të reja të punës”, ka thënë Zeka për gazetën inFokus.

Ndërsa sipas njohësit të ekonomisë Muhamet Mustafa kjo rritje nuk tregon ndonjë ndryshim esencial në krahasim me vitet e mëparshme.

Ai thotë se kjo më shume është ruajtje e status quos, se sa që krijon hapësira të reja për punësim dhe mirëqenie sociale.

“Pas masave të përmirësimit të politikës fiskale në dobi të prodhuesve  vendor, në tri vitet e fundit ka qenë e pritur që në të hyjmë në zona të rritjes ekonomike më shumë se 5 për qind dhe ti afrohemi rritjes ekonomike prej 7 për qind”, ka thënë Mustafa.

Sipas tij arsyeja kryesore për këtë gjendje ekonomike është mungesa e interesimit për investimeve  nga investorët e jashtëm.

“Në fatkeqësisht kemi një ngecje në aktivitetin investues, sidomos nga jashtë dhe ndryshimet fiskale nuk po kapitalizohen për shkak të jostabilitetit politik dhe imazhit jo të mirë të vendit”, ka thëne Mustafa për gazetën inFokus.

Ndërkaq, sipas raportit të Bankës Botërore Shqipëria do të ketë rritje ekonomike 3.6 për qind, Maqedonia 2.9 për qind, Serbia 3.5 për qind, Mali i Zi 2.8 për qind, kurse rritja ekonomike për Bosnjë Hercegovinën ishte 3. 4 për qind. /Gazeta InFokus/.

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-