Lajme

Rrahje në Spitalin e Pejës, dyshohet se mjeku sulmoi një punëtor

Autori: Gazeta inFokus 12:13 | 24 January 2023

Një doktor i Spitalit të Përgjithshëm të Pejës (emër i njohur për redaksinë), dyshohet se të hënën ka sulmuar fizikisht një punëtor të spitalit. Rasti është hapur në polici.

Informacionin e ka konfirmuar zëdhënësi i Policisë për Rajonin e Pejës, Fadil Gashi.

Gashi tha se rasti është hapur si “lëndim i lehtë trupor”.

-Advertisement-

“Dje rreth orës 13:44 një punëtor i Spitalit Rajonal ka ardhë dhe e ka njoftu policinë se është sulmuar nga një mjek në Spitalin Rajonal në Pejë. Policia menjëherë ka dal në vendin e ngjarjes, i ka intervistu viktimën, dëshmitarët dhe të dyshuarin. Lidhur me rastin është njoftu prokurori i cili ka udhëzuar që të iniciohet rasti “lëndim i lehtë trupor”. Rasti është duke u hetuar nga njësiti kompetent policor”, tha Gashi për Express.

I pyetur se cili dyshohet se është motivi që çoi deri te sulmi fizik, Gashi tha “një mosmarrëveshje e kanë pas të brendshme, rreth orarit të punës”.

I njëjti shtoi se viktima ka pranuar trajtim mjekësor.

 

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Të tjera

Fokusi

lajme