Lajme

Rizvanolli: I kemi kursyer rreth 50 milionë euro të taksapaguesve përmes masave për energji

Autori: Gazeta inFokus 21:47 | 05 April 2023

Ministrja e Ekonomisë, Artane Rizvanolli, ka thënë se masat që i kanë përdorur për energjinë kanë kursyer me miliona euro të qytetarëve të Kosovës.

Ajo, në Rubikon të Klan Kosovës, ka përmendur disa prej masave që e kanë mundësuar kursimin e të hollave.

“Ulja e konsumit të energjisë në vend ka qenë njëra nga objektivat kryesore sepse edhe nëse subvencionohet energjia elektrike edhe ato para janë të taksapaguesve tonë. Qasja e jonë nga fillimi ka qenë që nuk duhet të synojmë të subvencionojmë me çdo kusht të blejmë energjinë elektrike të shtrenjtë ta importojmë”.

-Advertisement-

“Mirëpo, duhet të kursejmë sa më shumë që është e mundur, duhet ta ulim konsumin, në këtë aspekt janë ndërmarrë masa të ndryshme në kufizim, në ndërmarrjet publike, masat për kursim të energjisë, masat për kriptovaluta, pastaj është ndaluar eksporti i peletit dhe lëndëve të tjerë djegëse”.

“Nga masat për kursim dhe jashtë masave emergjente, janë marrë edhe masa të tjera siç janë subvencionimi i pajisjeve elektrike, subvencionimi i kursimit, dhe si rezultat i të gjitha këtyre kemi konsumuar rreth 250 gigavator më pak sesa që ka qenë parashikimi, që do të thotë që i kemi kursyer rreth  50 milionë euro të taksapaguesve”, ka thënë Rizvanolli.

Subscribe në YouTube: GAZETA INFOKUSI
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme