Sport

Reagon për herë të parë Milot Avdyli pas transferimit në ekipin zviceran

Autori: Erion Maliqaj 17:58 | 01 February 2021

Talenti nga Vushtrria, Milot Avdyli, ka bërë një hap të madh në karrierën e tij, shkruan Gazeta inFokus.

Avdyli gjatë ditës së hënë është transferuar në klubin e madh zviceran, FC Aarau.

18 vjeçari ka nënshkruar kontratë dy vite e gjysmë me ekipin zviceran.

-Advertisement-

Ai së fundmi ka qenë pjesë e Superligës së Kosovës, ku është paraqitur me skuadrën e Trepçës ’89 në 25 ndeshje dhe ka realizuar katër gola dhe pesë asistime.

Pas këtij transferimi ka reaguar për herë të parë vet Milot Avdyli, i cili përmes llogarisë së tij zyrtare në facebook ka falënderuar ata që e ndihmuan në këtë arritje.

“Së pari dua të falënderoj Zotin, pastaj familjen time, trajnerët e mi, menaxherin tim dhe të gjithë të tjerët që më kanë mbështetur gjatë rrugës. Unë jam gati për sfida të reja në karrierë dhe premtoj se do të jap më të mirën time!”, ka shkruar talentin vushtrrias në facebook.

Milot Avdyli ka qenë njëri prej lojtarëve më të rijnë në moshë që ka luajtur në elitën e futbollit kosovar.

Ai gjithashtu është edhe pjesë e kombëtares së Kosovës U-19.

Gazeta inFokus gjatë verës së kaluar kishte realizuar një storie me sulmuesin 18 vjeçar, i cili cilësohej si diamant i Vushtrrisë dhe kombëtares së Kosovës.

Më poshtë mund ta ndiqni storein e realizuar nga Gazeta inFokus, në kuadër të emisionit “Sporti n’Fokus”./Gazeta inFokus/

Subscribe në YouTube: GAZETA INFOKUSI