Lajme

Ramadani kritikon Qeverinë Kurti: Skandaloze, dërgoi 200 mijë euro për Bosnjën, ndërsa qytetarët e Kosovës nuk u kompensuan për dëmet

Autori: Gazeta inFokus 14:48 | 16 July 2026

Deputeti i zgjedhur nga Aleanca për Ardhmërinë e Kosovës (AAK), Burim Ramadani, ka kritikuar Qeverinë e Kosovës për mënyrën se si, sipas tij, janë trajtuar dëmet e shkaktuara nga vërshimet në vend, shkruan Gazeta Infokus.

Përmes një postimi në Facebook, Ramadani ka deklaruar se qytetarët e Kosovës të prekur nga vërshimet nuk janë kompensuar për dëmet e pësuara që nga viti 2022, ndërsa ka kujtuar se Qeveria e Kosovës në krye me Albin Kurtin kishte ndarë 200 mijë euro ndihmë për Bosnje dhe Hercegovinën pas vërshimeve të ndodhura atje.

“Skandaloze bre… për kënd kujdeset Qeveria e Kosovës? Nuk kompenzojnë popullin e Kosovës për vërshimet, por i dërguan para Bosnjës për vërshime. Që nga viti 2022, qytetarët e Kosovës nuk marrim asgjë nga Qeveria e vet për dëmet e vërshimeve. Por, në 11 tetor 2024 po kjo Qeveri i çon 200 mijë euro Bosnjës pikërisht për vërshimet”, ka shkruar Ramadani.

-Advertisement-

Ai ka ngritur pyetje për prioritetet e ekzekutivit, duke kërkuar sqarime se pse, sipas tij, nuk janë kompensuar qytetarët e Kosovës që kanë pësuar dëme nga fatkeqësitë natyrore.

“Çka i ka bë populli i Kosovës more këtyre?”, ka shtuar ai./Gazeta Infokus/

Më poshtë gjeni postimin e tij të plotë:

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy