Lajme

Rama i bën “diss” Vitisë, publikon pamje nga reparti i pediatrisë: “Kur punohet për qytetarët, ndryshimi shihet”

Autori: Gazeta inFokus 16:01 | 14 July 2026

Kryetari i Prishtinës, Përparim Rama, ka publikuar pamje nga Pediatria në Qendrën Kryesore të Mjekësisë Familjare (QKMF), duke vënë në pah kushtet dhe investimet e realizuara në këtë institucion shëndetësor.

Publikimi vjen në një kohë kur në opinion po diskutohet gjerësisht për gjendjen në Klinikën e Pediatrisë në QKUK, pas fotografive të publikuara nga një qytetare që shfaqnin dyshekë të amortizuar, mungesë të kushteve bazike dhe probleme të tjera infrastrukturore.

Në postimin e tij, Rama ka theksuar se ndryshimi shihet në shërbimet që u ofrohen qytetarëve dhe jo në deklarata politike.

-Advertisement-

“Kur punohet për qytetarët e jo për pushtet, ndryshimi nuk ka nevojë për fjalë. Ai shihet në çdo shërbim dhe përjetohet nga çdo familje që hyn në këto hapësira në Qendrën Kryesore të Mjekësisë Familjare në Kryeqytet”, ka shkruar Rama.

Ai ka shtuar se ky është standardi që po ndërtohet në kryeqytet, duke e përshkruar atë si model të institucioneve moderne, funksionale dhe në shërbim të qytetarëve.

Megjithëse nuk e ka përmendur askënd me emër, publikimi i Ramës është interpretuar nga shumë komentues si një mesazh indirekt ndaj Ministrisë së Shëndetësisë dhe ministrit Arben Vitia, pikërisht në kohën kur kushtet në Pediatrinë e QKUK-së janë bërë objekt i debatit publik.

Pamjet e publikuara nga Rama tregojnë ambiente të rinovuara dhe të pajisura për trajtimin e fëmijëve në kuadër të shërbimeve primare shëndetësore në Prishtinë./GazetaInfokus

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy