Ekonomi

Qeveria ua ndali rreth 100 milionë euro projekte komunave

Autori: Gazeta inFokus 18:31 | 01 October 2021

Vendimi i fundit i kryeministrit të Kosovës, Albin Kurti që t’i ndërpres mbi 100 milionë euro investime kapitale ka dëmtuar disa komuna të cilat nuk kontrollohen nga VV.

Ferizaj, Suhareka, Deçani, Drenasi e disa komuna tjera kanë mbetur pa ujë të pijes, shkolla e projekte të tjera që ndikojnë në jetën e banorëve të këtyre komunave.

Bekim Salihu nga Instituti për Studime të Avancuara (GAP) në emisionin Ekonomia n’Fokus ka folur rreth kësaj çështje ku thotë se në rast se nje memorandum bashkëpunimi ka efekt, që sipas tij nënkupton se kanë filluar të zbatohen projektet, atëherë nuk duhet ndërprerë ai projekt.

-Advertisement-

“Ne kemi bërë një analizë për projektbuxhetin e vitit 2021 i cili nuk ka qenë i miratuar nga kjo qeveri, është rishikuar nga kjo qeveri por nuk është miratuar nga kjo qeveri dhe kemi gjetur që ministritë e qeverisë së Kosovës në total për investime kapitale kanë 465 milionë euro të dedikuara për vitin 2021. Ndërsa prej këtyre mjeteve 107 milionë euro janë të dedikuara për nivelin lokal. Keni parasysh, komunat e kanë edhe kategorinë e investimeve kapitale si kod buxhetor të vetin. 92 për qind e këtyre mjeteve janë projekte në vazhdim që kanë nis në vitin 2018-të, kanë vazhdu në 2019-tën, 2020-tën dhe janë bart në vitin 2021”, ka thënë Salihu.

Sipas tij 92 për qind e këtyre mjeteve janë për projekte të zotuara ndërsa vetëm 8 për qind e mjeteve janë për projekte të reja që janë planifiku të realizohen në komunat e Kosovës. /Gazeta Infokus/

Subscribe në YouTube: GAZETA INFOKUSI
Etiketa:
Coffee Show B2B në Zagreb nga Devolli Corporation

Të tjera

Fokusi

ekonomi