Lajme

Qeveria për vërshimet: Istogu, Mitrovica e Skenderaj drejt stabilizimit, në Klinë situatë e vështirë

Autori: Gazeta inFokus 23:44 | 19 January 2023

Qeveria Kosovës ka njoftuar se së bashku me të gjitha institucionet e saj po e vazhdon angazhimin në përballje me vërshimet e shkaktuara pas reshjeve të mëdha të shiut, shkruan Gazeta Infokus.

Përmes një njoftimi nga ana e qeverisë kanë njoftuar se aktualisht situata po shkon drejt stabilizimit në Istog, Mitrovicë dhe Skenderaj.

“Në Mitrovicë dhe Skenderaj janë dërguar dhe kanë arritur gjashtë ekipe shtesë të Agjencisë për Menaxhimin e Emergjencave konkretisht nga tri ekipe shtesë për këto dy komuna”, thuhet në këtë njoftim.

-Advertisement-

Ndërkaq, kanë bërë të ditur se situata mbetet më e vështirë në Klinë, ku po dërgohen përforcime shtesë me zjarrfikës nga komunat përreth.

“Qeveria e Republikës së Kosovës është mobilizuar me të gjitha kapacitetet e saj, me Forcën e Sigurisë së Kosovës, me Policinë e Kosovës dhe të gjitha njësitë e zjarrfikësve, të cilët do të jenë në shërbim të qytetarëve 24 orë. U bëjmë thirrje të gjithë qytetarëve në zonat e rrezikuara të bëjnë kujdes me lëvizjet e tyre, të shmangin kalimet në rrugët me prezencë uji dhe të respektojnë rregullat e qarkullimit rrugor. Qytetarët mund ta bëjnë informimin në Qendrën Operative Emergjente, përmes numrit unik emergjent 112”, thuhet në fund./Gazeta Infokus/

Më poshtë gjeni njoftimin e plotë:

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Të tjera

Fokusi

lajme