Lajme

Qeveria e pranon se rritja ekonomike në Kosovë për vitin 2022 pritet të ngadalësohet, shkak përmendet lufta në Ukrainë

Autori: Gazeta inFokus 17:15 | 30 April 2022

Ministri i Financave, Hekuran Murati, ka thënë se përkundër që aktiviteti ekonomik ka tejkaluar pritshmëritë me një rritje rekorde, për këtë vit janë të detyruar që të rishikojnë planifikimet.

Gjatë këtij viti, Kosova pritet të ketë rritje më të vogël ekonomike.

Kjo për shkak të lëvizjes së çmimeve në tregjet globale dhe ndikimit nga lufta në Ukrainë.

“Si rezultat i tronditjeve në zinxhirin e furnizimit në tregjet globale dhe pasojave të luftës në Ukrainë, ekonomia e Kosovës pritet të ketë një rritje më të moderuar në vitin 2022, andaj edhe vlerësimet e Ministrisë së Financave janë rishikuar krahasuar me ato fillestare për këtë vit. Nga parashikimet presim që rritja reale e vitit 2022 të arrijë 5.7 %, nxitur kryesisht nga eksporti neto dhe investimet, kurse rritja nominale përsëri do të jetë dyshifrore, megjithatë janë presionet inflacionare që ndikojnë që rritja reale kësaj radhe të jetë me e ulët”, ka thënë Murati në mbledhjen e Qeverisë.

Në bazë të të dhënave deri në muajin prill, Murati tha se të hyrat buxhetore kanë vazhduar të shënojnë rritje krahasuar me vitin paraprak, pra 21% më shumë. Si rezultat i rritjes ekonomike dhe informalitetit.

Të tjera

Fokusi

lajme