Lajme

PSD me aksion tek Kuvendi i Kosovës, e quan institucion jodemokratik

Autori: Gazeta inFokus 11:42 | 21 October 2022

Partia Socialdemokrate të premten ka zhvilluar një aksion tek ndërtesa e Kuvendit të Kosovës, shkruan Gazeta Infokus.

Ata kanë ngjitur pankarta ku shkruhej “Kuvend jodemokratik”.

“E vonuan, e zvarritën, por nuk arritën ta ndalin. Peticioni i nënshkruar nga mbi 11 mijë qytetarë, ku kërkohet inicimi i ligjit për faljen e gjobave të pandemisë, tash së fundi kaloi të gjitha procedurat burokratike, por jo edhe lejimin e pjesëmarrjes në seancë ku diskutohet dhe votohet kjo temë.

-Advertisement-

Është dekurajuese qasja e Kuvendit, përkatësisht kryeparlamentarit Konjufca, për qytetarët që kanë nevoja dhe organizohen rreth çështjeve në interes për ta. Demokracia përfaqësuese është më e gjerë sesa formaliteti i shtruar në institucione.

Ligji e mundëson, deputeti e refuzon. Në vend se të nxiten iniciativat e tilla dhe të mbrohen direkt nga qytetarët, frika e pushtetit zuri ulësen e tyre. Këta përfaqësues janë të kapur ngushtë pas pushtetit të tyre”, thuhet në komunikatën e PSD-së.

Subscribe në YouTube: GAZETA INFOKUSI

Të tjera

Fokusi

lajme