Ekonomi

Porti i Durrësit nga nesër në shërbim edhe të Kosovës

Autori: Gazeta inFokus 16:21 | 14 January 2019

Të martën në mesditë mbahet ceremonia e fillimit të punës së Doganës së Kosovës në Portin e Durrësit.

Përveç kësaj, drejtues të Qeverisë së Shqipërisë, sidomos në dekadën e fundit i premtuan Kosovës vazhdimisht portin e Shëngjinit për bizneset dhe kjo nuk u bë asnjëherë.

Ka pasur komente të ndryshme se në këtë portin e Shëngjinit ka probleme pronësore ndërmjet institucioneve dhe qytetarëve të ndryshëm.

-Advertisement-

Edhe më vonë, zyrtarë të Qeverisë së Kosovës kanë kërkuar që ky port të administrohet nga Kosova, por përveç deklaratave, asnjë marrëveshje zyrtare nuk ekziston.

Hapja e kësaj zyre në Durrës do të lehtësojë tregtimin, lëvizjen e mallrave dhe udhëtareve. Kjo njëherësh pritet të reduktojë koston e bizneseve si dhe të ndihmojë në rritjen e ekonomive të dy vendeve përmes thellimit të bashkëpunimit./Gazeta inFokus/