Politika “shkelë” zhvillimin ekonomik të Kosovës
Autori: Sylejman Sylejmani 13:29 | 07 October 2018
Paqëndrueshmëria politike në vend, po ndikon keq në ekonominë e Kosovës.
Këtë problematikë e ka përmendur Banka Botërore në raportin e saj, i cili u publikua para pak ditësh, raporton Gazeta inFokus.
Se ekziston ky ndikim, po e thekson edhe Skënder Krasniqi, nga Oda e Afarizmit të Kosovës.
Por, Krasniqi përveç politikës thotë se janë edhe disa probleme të tjera të cilat po bëjnë që të cenohet ekonomia kosovare.
“Ndikon edhe paqëndrueshmëria politike, por rreziku më i madh i Kosovës është mungesa e ofertave, të cilat Qeveria e Kosovës nuk po i bën ndaj bizneseve. Mos-krijimi i likuiditetit të bizneseve, ato që i kemi kërkuar që tatimet të paguhen në inkasim e jo në faturim, funksionalizimi i gjykatave, ky është rreziku më i madh që po i kanoset vendit, me mos-rritje të ekonomisë, e as eksportit, e as importi nuk është në nivel. Kemi krijuar në divergjencë të jashtëzakonshme me shtetet e rajonit, sidomos me Maqedoninë që ka popullatë të njëjtë”, thotë Krasniqi
Edhe për njohësin e ekonomisë, Astrit Panxha, paqëndrueshmëria politike ndikon shumë në ekonomi.
“Rreziku politik ndikon shumë në ekonomi, sidomos në imazhin e Kosovës. Investitorët e huaj hezitojnë të shkojnë në një vend ku ka jostabilitet ekonomik. Për fat të keq Kosova ka dal prapë në mediat ndërkombëtare, ku është duke u diskutuar për problemet politike, e jo atraktiviteti ekonomik i Kosovës, prandaj kjo ndikon në uljen e investimeve të huaja. Shifrat e prezantuara nga Banka Botërore tregojnë se kemi ulje të investimeve direkte në Kosovë, që rrjedhimisht ndikon në uljen e aktivitetit ekonomik, pra në mos shfrytëzimin e potencialit ekonomik që e ka Kosova”, tha Panxha për inFokus
Sipas këtij raporti të Bankës Botërore, rritja ekonomike prej 4.8%, ka rënë në 4.2%.
Kjo rritje prej rreth 4% që kryesisht ndodhë ndër vite në Kosovë, ekspertët vlerësojnë se nuk ndikon asgjë në mirëqenien e qytetarëve.
Skënder Krasniqi nga Oda e Afarizmit bën një krahasim të Kosovës me Maqedoninë dhe thekson se edhe një rritje prej 100% e ekonomisë së Kosovës, nuk krahasohet me një rritje ekonomike prej 10% në shtetin fqinjë.
“Edhe 20% është pak në krahasim me papunësinë e madhe që është, me dallimin ekstrem që e kemi me rajonin, edhe 20% nuk është e mjaftueshme, në krahasim me 3-4% të rritjes që mund ta ketë Maqedonia. Krejt kjo sepse ka bërë rritje ekstreme të vendeve të punës në krahasim me ne. Ne kemi nivel shumë të ulët të punësimit, nivel të ulët të eksportit. Edhe 100% me u rritë bëhet 600 milionë, kurse ata me u rritë vetëm 10% janë 500 milionë. Kemi bërë një dallim ekstrem me ta, sepse e kemi nivelin e eskportit ekstrem të ulët”, thekson ai.
Krasniqi gjithashtu tregon se Kosova nga viti i kaluar e deri më tash ka mbi 15 mijë vende të punës më pak.
Rritjet të cilat po deklarohen nga institucionet, ai i quan fiktive dhe jo reale, duke e pasur parasysh se nuk ka rritje të zhvillimit ekonomik, e as rritje të eksportit.
Edhe për ekspertin e ekonomisë, Astrit Panxha, rritja prej rreth 4% çdo vit nuk është e mjaftueshme.
“Edhe pse rritja ekonomike është 4.2%, ne e kemi një bazë ekonomike mjaft të ulët. Kështu që rritja ekonomike prej 4%, nuk është një rritje që mund të ndikojë në uljen e papunësisë dhe rrjedhimisht nuk i kemi rezultatet e prekshme në ekonomi. Kosovës i duhet një rritje më shumë se 6 deri në 7%, që të ketë një rritje të qëndrueshme. Rritja nuk është e mjaftueshme”, tha ai.
Për sfidat e zhvillimit ekonomik ka folur edhe Ministri i Financave Bedri Hamza në një intervistë ekskluzive për inFokus. /Gazeta inFokus/
Të tjera
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...
-
Vràsja e Gjyljeta Ukellës, dëgjoni hoxhë Enes Gogën i cili tregon se çfarë ndodhi sot në ditën e premte
“Nëse dikush guxon me privu nga jeta pa të drejtë, një person tjetër atëherë ...
-
O’Brien zbarkon në Beograd, nesër mban takim me Vuçiqin
Ndihmëssekretari i Byrosë për Çështje Evropiane dhe Euroaziatike i Departamen...
-
Vazhdon akuzat Sanduloviq: Me urdhër të kujt po kërcëńohet, përgjohet dhe ndiqet vajza ime?
Politikani serb, Nikola Sanduloviq, ka treguar detaje të reja nga rasti i hed...
-
Lajçak: Nuk ka të ardhme evropiane për Kosovën e Serbinë pa normalizim të marrëdhënieve
Emisari special i Bashkimit Evropian për dialogun ndërmjet Kosovës dhe Serbis...
-
Kryetari i Zubin Potokut për referendumin e së dielës: Nuk do të këtë sukses dhe s’do të dal të votoj
Kryetari i Zubin Potokut, Izmir Zeqiri ka vlerësuar se referendumi i së dielë...
-
Në OKB kërkohet që Gjenocidi në Srebrenicë të dënohet globalisht
Gjenocidi në Srebrenicë duhet të dënohet në nivel global, duhet të shprehet m...