Fokus

Policia nuk po i falë shoferët që kalojnë në rrugën “Xhorxh Bush”, ju shqipton gjoba

Autori: Gazeta inFokus 14:35 | 20 January 2023

Komuna e Prishtinës kishte njoftuar se që nga data 8 janar të këtij viti, rruga “Xhorxh Bush” do të jetë në qarkullim vetëm për autobusë dhe për taksi, shkruan Gazeta Infokus.

Edhe pse u premtua se qarkullimi i autobusëve dhe taksive do të fillonte më datë 8, një gjë e tillë ndodhi më 13 janar 2023, pra pesë ditë më vonë se që ishte premtuar.

Mirëpo si duket në këtë rrugë nuk po qarkullojnë vetëm autobusët dhe taksitë, pasi që shumë qytetarë me vetura private po thyejnë rregullin duke kaluar në këtë rrugë ku nuk lejohet qarkullimi me vetura private.

-Advertisement-

E që vendimi i marrë nga Komuna e Prishtinës të zbatohet, po përkujdeset Policia e Kosovës me patrullimet e saja në këtë rrugë.

Në disa pamje të siguruara nga Gazeta Infokus, shihen njësitet e trafikut duke gjobitur disa qytetarë që me vetura kanë kaluar në këtë rrugë.

Në këto pamje shihen pesë vetura të ndaluara nga Policia e Kosovës.

Gjithashtu, Infokus ka dërguar pyetje tek ky institucion për shifrat e sakta të gjobave që janë shqiptuar për ata që kanë thyer këtë rregull që nga data 13 janar 2023 kur edhe rruga “Xhorxh Bush”, u lëshua në qarkullim vetëm për autobusë dhe taksi.

Kujtojmë se për të gjithë ata që kalojnë me vetura private në rrugën “Xhorxh Bush”, gjoba do të jetë 500 euro./Gazeta Infokus/

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

fokus