Lajme

Policia gjobit mërgimtarin në Pejë, theu rregullat e trafikut

Autori: Gazeta inFokus 10:17 | 28 July 2026

Policia e Kosovës ka identifikuar dhe gjobitur shoferin që u filmua duke kryer kundërvajtje në komunikacion në rrugën “Besnik Lajqi” në Pejë.

Sipas njoftimit të policisë, më 25 korrik, në rrjetin social “Facebook” u publikua një video ku shihej një veturë e tipit Mercedes, me targa të Gjermanisë, duke tejkaluar kolonën e automjeteve nga krahu i djathtë. Në vazhdim, sipas njoftimit, automjeti shihej duke lëvizur mbi trotuar, për t’u rikthyer më pas sërish në shiritin rrugor.

Pas publikimit të pamjeve, njësia e trafikut për qytetin e Pejës ndërmori veprimet e nevojshme dhe arriti ta identifikojë drejtuesin e automjetit. Atij i është shqiptuar gjobë për kundërvajtjen e kryer.

-Advertisement-

Policia bëri të ditur se, me pëlqimin e shoferit, vlera e gjobës është dyfishuar në përputhje me Ligjin Nr. 08/L-186 për Rregullat e Komunikacionit Rrugor. Ky ligj u mundëson drejtuesve që posedojnë patentë shofer të lëshuar nga një shtet i huaj që, në vend të masës së ndalimit të drejtimit të automjetit për tre muaj, të pranojnë dyfishimin e vlerës së gjobës.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy