FOKUSI NË BUJQËSI

Perimet shqiptare më të kërkuara në tregjet e BE

Autori: Gazeta inFokus 18:00 | 22 March 2018

Eksportet bujqësore shqiptare janë rritur këtë vit me 30% krahasuar me të njëjtën periudhë në vitin 2016, ndërsa perimet kryesojnë trendin e kërkesës se tregjeve të huaja nga vendet e rajonit dhe po zgjerojnë hartën në vende të reja të BE-së.

Zv. ministri i Bujqësisë dhe Zhvillimit Rural, Dhimitër Kote në një intervistë për ATSH-në, tha se, shtetet që kërkojnë prodhimet bujqësore shqiptare, janë kryesisht vendet e rajonit, Komunitetit Europian por edhe më gjerë. Kështu Kosova, Maqedonia, Serbia, Polonia Çekia, Austria, Gjermania e shumë vende të BE-së, po rrisin interesin për produktet “Made in Albania”, shkruan Infokusi.

Ndërsa produktet më të kërkuara, vuri në dukje zv. ministri Kote, janë perimet e freskëta, kryesisht domatja, speci, lakra, kastraveci, lulelakra por edhe prodhime të tjera si bostani, shalqiri etj, të cilat përbëjnë pjesën më të madhe të eksporteve në Evropë dhe rajon.

-Advertisement-

Eksporti i prodhimeve bujqësore, deri tani është rritur me rreth 30% krahasuar me të njëjtën periudhë në vitin 2016. Kurse në total eksporti i tyre në vitin 2017 kundrejt vitit 2016 u rrit me 20%.

“Kjo do të thotë që pikat e grumbullimit dhe eksportuesit janë njohur me kërkesat e tregjeve dhe i përgjigjen nevojë dhe kërkesën së tyre me prodhimit shqiptare, duke konkurruar denjësisht me cilësi dhe standarde”, tha Kote. /INFOKUSI.COM/

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

fokusi-ne-bujqesi