Ministria e Bujqësisë kritikohet për vonesa në hapjen e aplikimit për mbështetje në programin për zhvillim rural
Autori: Gazeta inFokus 10:46 | 17 November 2023
Konsorciumi i organizatave të shoqërisë civile, CorrWatch, i përbërë nga Grupi për Studime Politike dhe Juridike (GLPS), Instituti GAP dhe Instituti për Politika Zhvillimore (INDEP), kanë shprehur shqetësim lidhur me hapjen e vonuar të aplikimit për mbështetje në kuadër të Programit për Zhvillim Rural për vitin 2023.
Thirrja për aplikim është hapur më 31 tetor, por sipas këtyre organizatave kjo është bërë me vonesë.
“Gjatë pesë vjetëve të fundit, thirrja për aplikim për grante nuk është vonuar asnjëherë, duke përjashtuar vitin 2021 ku për shkak të pandemisë COVID-19 nuk kishte thirrje të hapur. Korniza aktuale ligjore që rregullon këtë proces përcakton qartë se Ministria e Bujqësisë, Pylltarisë dhe Zhvillimit Rural (MBPZHR) është e detyruar që të miratojë masat përkatëse jo më vonë se pesëmbëdhjetë (15) ditë nga miratimi i buxhetit për vitin përkatës. Duke konsideruar këtë dhe pas analizës së situatës në praktikë, CorrWatch ka vërejtur që një kërkesë e tillë ligjore nuk është respektuar nga Ministria, duke qenë se Programi Kombëtar për Zhvillim Rural u nënshkrua tetë (8) muaj më pas”, thuhet në reagim.
CorrWatch konsideron se kjo vonesë e aprovimit të Programit mund të ketë pasoja serioze në zhvillimin e sektorit bujqësor dhe vështirëson seriozisht përgatitjet e mirëfillta të bujqve për aplikim të suksesshëm.
“Ngjashëm, kjo praktikë natyrshëm kufizon transparencën dhe llogaridhënien e procesit në përgjithësi. Në të njëjtën kohë, MBPZHR po ashtu ka vepruar gabim kur ka vendosur që fillimisht të nënshkruajë Programin dhe jo Udhëzimin Administrativ që përcakton masat dhe kriteret e përkrahjes për zhvillim rural në vitin 2023, i cili në fakt do duhej t’i paraprinte Programit marrë parasysh përmbajtjen e tij”, thuhet në reagimin që është bërë në kuadër të projektit: “Mbështetje për shoqërinë civile për të rritur mbikëqyrjen publike dhe llogaridhënien e institucioneve publike të Kosovës”,
“Duke konsideruar të gjitha këto veprime më lartë, CorrWatch konsideron që hapja e vonuar për aplikim për mbështetje në kuadër të Programit për Zhvillim Rural, reflekton në mungesë të transparencës duke nxitur dyshime rreth mundësisë së keqpërdorimit të parasë publike, ushtrimin e veprimeve të paligjshme gjatë zbatimit të skemës mbështetëse në këtë sektor”, thuhet në reagim.
Përmes këtij reagimi publik, CorrWatch i ka rikujtuar MBPZHR-së peshën e detyrimeve ligjore dhe rëndësinë e zhvillimit rural të drejtë dhe transparent. “Gjithashtu, CorrWatch thekson nevojën për përgjegjshmëri, reflektim dhe përmbushje të menjëhershme të obligimeve ligjore nga MBPZHR, në mënyrë që të sigurohet një mjedis pa korrupsion dhe i qëndrueshëm për të gjithë aktorët e përfshirë në sektorin e bujqësisë dhe zhvillimit rural në Kosovë”, thuhet në reagim.
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...