Ministria e Bujqësisë këtë vit pritet të ndajë 24 milionë euro për grante
Autori: Gazeta inFokus 17:10 | 16 September 2023
Ministria e Bujqësisë këtë vit do të ndajë 24 milionë euro grante për bujqit. Fermerë dhe ekspertë të bujqësisë thonë se në kuadër të granteve është mirë të ndahen mjete për funksionalizimin e pikave grumbulluese dhe përpunuese të produkteve bujqësore.
Nga Ministria e Bujqësisë nuk kanë treguar për Radio Kosovën nëse këtë vit planifikojnë të ndajnë mjete për këtë qëllim.
Me qëllim të përkrahjes së fermerëve lokalë, Drejtoria e Bujqësisë në Komunën e Ferizajt, ka hapur ditë më parë thirrjen për aplikim për rregullimin e dhomave ftohëse për ruajtjen e pemëve dhe perimeve.
Investimet në ndërtimin e pikave grumbulluese dhe përpunuese të produkteve bujqësore janë mjaft të nevojshme, thonë për Radio Kosovën ekspertë dhe përfaqësues të bujqve.
Kryetari i Federatës Sindikale të Bujqve, Tahir Tahiri, thotë se është kërkesë e tyre që Ministria e Bujqësisë, në kuadër të granteve, të ndajë mjete për ndërtimin e pikave grumbulluese të produkteve bujqësore.
“Ne kemi propozuar që të ndahet ndonjë shumë e mjeteve dhe të shpallet thirrje edhe për funksionalizimin e pikave grumbulluese. Këto do të mundësonin organizimin, ruajtjen, përpunimin, por edhe eksportin e produkteve bujqësore që prodhojnë bujqit, sidomos në pemëtari e perimtari. Pemë e perime, në kohë të caktuara, kemi mundësi edhe që të eksportojmë”, tha Tahiri.
Krahas investimeve në rritjen e prodhimtarisë bujqësore që duhet të jenë fokusi kryesor i Ministrisë së Bujqësisë, edhe investimet në pikat grumbulluese të produkteve bujqësore kanë rëndësinë e tyre, thotë profesori universitar i bujqësisë, Imer Rusinovci.
“Në mes të sektorit të prodhimit dhe atij të përpunimit ish dashtë të mendohet edhe për qendra të caktuara në nivel vendi si pika grumbulluese. Në këtë mënyrë, fermerët prodhues do të kenë një adresë të saktë se ku do t’i dorëzojnë produktet e tyre, përkatësisht përpunuesit do të kenë idenë se ku mund të gjejnë grumbullimin e produkteve të caktuara bujqësore për fabrikimin dhe finalizimin e tyre në qendrat përpunuese”, tha Rusinovci.
Ministria e Bujqësisë këtë vit pritet të ndajë 24 milionë euro për grante për bujqit. Radio Kosova ka pyetur këtë ministri se në kuadër të granteve a planifikon të ndajë mjete financiare për ndërtimin e pikave grumbulluese dhe përpunuese të pemëve e perimeve. Por, përkundër interesimit dhe pritjes disaditore, deri në përgatitjen e këtij materiali, nga Ministra e Bujqësisë nuk kanë kthyer ndonjë përgjigje.
Të tjera
-
OSBE: Të zbardhet fati i të gjithë të zhdukurve
Në Kosovë sot po shënohet Dita Kombëtare e Personave të Zhdukur nga lufta e f...
-
Besnik Tahiri, Armend Muja dhe Abelard Tahiri, tre deputetët më aktiv në Kuvendin e Kosovës
Instituti i Kosovës për Drejtësi ka publikuar raportin e monitorimit të punës...
-
Ganimete Musliu, Hykmete Bajrami e Kusari-Lila gratë deputete më aktive në Kuvendin e Kosovës
Instituti i Kosovës për Drejtësi ka publikuar raportin e monitorimit të punës...
-
Qerkini: Brukseli ka stagnuar procesin e personave të pagjetur
Bajram Qerkini, kryetar i Këshillit Koordinues të Asociacioneve të Familjarëv...
-
Dita e të Zhdukurve, Osmani: Pl*ga e Kosovës do të mbetet e hapur derisa nuk kthehen të gjithë
Presidentja e Kosovës, Vjosa Osmani, në Ditën e të Zhdukurve ka thënë se kjo ...
-
Besnik Tahiri vlerësohet si deputeti më aktiv i Kuvendit të Kosovës
Shefi i Grupit Parlamentar të AAK-së, Besnik Tahiri, është vlerësuar si deput...
-
Knaus: Vuçiqi po bën fushatë të suksesshme kundër Kosovës në KiE
Kosovës iu miratua raporti pozitiv për anëtarësim në Këshillin e Evropës më 1...
-
Thaçi: Ndjehem keq për fiaskon e Kurtit në Maqedoni, u vërtetua mungesa e autoritetit moral e të parit të Kosovës atje
Kreu i PDSH-së, Menduh Thaçi, i cili në raundin e parë të zgjedhjeve presiden...
-
Oficeri i FSK-së përfundon me sukses trajnimin për Ranger në ShBA
Nëntoger Egzon Elshani ka përfunduar me sukses trajnimin më sfidues që organi...
-
Edhe mbi 1600 persona të zhdukur nga lu*ta e fundit, MPJ: Serbia vazhdon të mbrojë ata që janë përgjegjës
Në Ditën e Personave të zhdukur me dhunë gjatë luftës në Kosovë, Ministria e ...
-
Voziti dyfish më shpejtë se sa e kishte të lejuar, gjobitet shoferi me 500 euro, 5 pikë negative dhe ndalim ngasje për 6 muaj
Është gjobitur një shofer me 500 euro, pesë pikë negative dhe gjashtë muaj nd...
-
LDK-ja në Ditën e të Zhdukurve: Kosova nuk mund të gjejë qetësi pa ditur për fatin e tyre
Lidhja Demokratike e Kosovës ka përkujtuar të pagjeturit e luftës së fundit n...