Lajme

Peci takohet me Wieland, flasin rreth të zhvillimit bujqësor

Autori: Gazeta inFokus 21:39 | 19 May 2023
Ministri i Bujqësisë, Pylltarisë dhe Zhvillimit Rural, Faton Peci e mirëpriti në një takim zyrtar Zëvendës Presidentin e Parlamentit Evropian, Rainer Wieland me të cilin bashkëbiseduan mbi aspekte të ndryshme të zhvillimit bujqësor, duke përfshirë praktikat e qëndrueshme të bujqësisë, qasjen në tregun evropian, sigurinë ushqimore dhe zhvillimin rural.

Nga MBPZhR njoftojnë se Peci theksoi rëndësinë e sektorit të bujqësisë në ekonominë e Kosovës, me ç’rast vuri në dukje përkushtimin e qeverisë për modernizimin dhe përmirësimin e praktikave bujqësore.

“Shpreh mirënjohjen time për mbështetjen e marrë nga BE-ja dhe njëherësh ju siguroj për synimin e qeverisë për të thelluar më tej këtë bashkëpunim. Në cilësinë e Ministrit të Bujqësisë shpreh vullnetin tonë për angazhim me qëllim të avancimit të sektorit përmes praktikave më të mira evropiane”, tha ai.

Nga ana e tij, Wieland lavdëroi progresin e arritur nga Kosova në sektorin e bujqësisë dhe vuri në pah potencialin e saj për zhvillim të mëtejshëm.

-Advertisement-

Ai theksoi gatishmërinë e Parlamentit Evropian për të bashkëpunuar me Kosovën në fusha të ndryshme, si: ngritja e kapaciteteve, transferimi i njohurive dhe lehtësimi i qasjes në tregjet e BE-së.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme