Lajme

Haziri takon Mesiqin në Gjilan: Mirënjohës përjetë për mbështetjen ndaj Kosovës

Autori: Gazeta inFokus 16:54 | 06 June 2025

Nënkryetari i LDK-së, Lutfi Haziri, ka bërë të ditur se sot Gjilanin dhe selinë e këtij subjekti në këtë qytet e vizitoi Stjepan Mesiq, ish-president i Kroacisë.

Në një postim në Facebook, ai ka deklaruar se shpallja si qytetar nderi i Mesiqit në Gjilan është një der i madh për Anamoravën.

“Mirëseardhje në shtëpinë e Rugovistëve në Gjilan. Pas presidentit shqiptar, Bajram Begaj, jemi të lumtur që me iniciativë të Grupit të Këshilltarëve të LDK-së dhe kryesuesit të Kuvendit të Komunës, presidenti historik i Kroacisë, Stjepan Mesiq, u shpall sot Qytetar Nderi i Gjilanit. Ky është nder i madh për Gjilanin dhe Anamoravën”.

-Advertisement-

“Lidhjen e Mesiq-it me Kosovën e bëri ati themeltar i Republikës së Kosovës, presidenti historik Ibrahim Rugova, qysh në fillimvitet 90-ta. Për herë të parë e kam takuar së bashku me presidentin, Fatmir Sejdiu, në negociatat për statusin final të Kosovës dhe i jam mirënjohës përjetë për mbështetjen e këshillat, në mënyrë që ta kapitalizojmë maksimalisht këtë proces historik”, ka shkruar Haziri.

Ndër tjera, ai ka shtuar se Gjilani ka nevojë për kujdesin e miqve, të cilët çdo ditë e më shumë po shtohen, nën kujdesin e LDK-së.

Subscribe në YouTube: GAZETA INFOKUSI