Sport

Pas tetë sezonesh te Bayerni, francezi drejt largimit, PSG gati ta mirëpresë

Autori: Gazeta inFokus 10:13 | 07 August 2024

Pas tetë sezonesh në Gjermani, Kingsley Coman mund të largohet nga Bayerni. Sipas “Sky”, pas investimit të madh në lojtarë si João Palhinha, Olise dhe Hiroki Ito, skuadra bavareze po kërkon të balancojë financat dhe francezi mund të jetë një nga ata që do të sakrifikohen nga trajneri Vincent Kompany për sezonin 2024/2025.

Me një vlerë transferimi rreth 60 milionë euro, media gjermane thekson se Bayerni është i hapur edhe për një huazim të mundshëm të lojtarit 28-vjeçar, me një klauzolë opsioni blerjeje në fund të sezonit.

Nisur nga ky skenar, PSG ka nisur tashmë kontaktet me synimin për të zbuluar se si mund të realizohet transferimi i ish-futbollist të vet.

-Advertisement-

Sezonin e kaluar, Coman veshi fanellën e Bayernit në 27 raste dhe regjistroi pesë gola dhe tri asistime. Edhe pse ai nuk ishte në gjendje të parandalonte fundin e hegjemonisë së klubit në Bundesligë, koha e sulmuesit në tokën gjermane ka qenë plot trofe, duke i shtuar palmaresit së tij tetë Bundesliga, një Champions, një Botëror Klubesh, tri Kupa të Gjermanisë dhe gjashtë Superkupa.