Lajme

Pak javë pas anëtarësimit, Visar Azemi zgjidhet Kryetar i Degës së LDK në Ferizaj

Autori: Gazeta inFokus 19:00 | 14 November 2022

Sot, dega e LDK-së në Ferizaj ka mbajtur Kuvendin Zgjedhor, ku Visar Azemi është zgjedhur kryetar i degës. Azemi, është anëtarësua në parti në javët e fundit,

LDK, nëpërmjet një njoftimi, ka deklaruar se anëtarësimi i Azemit është pritur mirë në strukturat e partisë në Ferizajt.

“Z.Azemi, i cili së fundi i është bashkangjitur Lidhjes Demokratike të Kosovës u prit jashtëzakonisht mirë nga strukturat e LDK në Ferizaj dhe kjo në fund u kurorëzua me zgjedhjen e tij si kryetar i kësaj dege”, thuhet në njoftim.

-Advertisement-

Sipas njoftimit, në fjalimin që e ka mbajtur në mesin e shumë delegatëve, bashkëpunëtorëve, dhe aktivistëve të LDK-së në Ferizaj, Azemi ka theksuar se angazhimi i tij për zhvillim në këtë komunë dhe Kosovë është i përhershëm.

Ndërsa, kryetari Lumir Abdixhiku anëtarësimin e Azemit në parti e ka konsideruar vlerë për LDK-në.

“Ardhja e Visarit në LDK për ne është vlerë. Ai bëhet pjesë e profesionistëve më të mirë të vendit që zgjedhin të lënë komfortin jetësor për angazhim vullnetar politik”, citohet të ketë thënë Abdixhiku për Azemin.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme