Pagesë mbi 8 mijë euro si pagë mujore, e një ‘minierë’ keqpërdorimesh tjera evidentohen nga Auditori në “Trepçën” në prag të falimentimit
Autori: Gazeta inFokus
09:00 | 29 June 2024
Minatorët në minierën e Trepçës në Stan Tërg ndërprenë punën para disa ditësh.
Njëjtë sikurse në të kaluarën, shkak u bënë problemet e vjetra, vonesat në paga.
Në një kohë krize për ndërmarrjen “Trepça”, dikush duket se po përfiton kundërligjshëm mijëra euro.
Auditori i Përgjithshëm ka gjetur një mal shkeljesh, në ndërmarrjen, të cilën qeveria thotë se po synon të rimëkëmbë.
Njëra prej gjetjeve të shumta të Auditorit, tregon se si “Trepça” e pagoi një punonjës 7 mijë e 600 euro më shumë se paga që do të duhej të merrte.
Punonjësi, sipas auditorit kishte pagë bruto në vlerë 1 mijë e 140 euro, kurse u pagua nga ndërmarrja plot 8 mijë e 797 euro në muaj.

E gjithë kjo sipas raportit voluminoz ndodhi, për shkak të mungesës së kontrolleve të brendshme.
“Bordi Mbikëqyrës duhet të siguroj që kompensimet e punëtorëve janë realizuar ashtu siç kërkohet në ligjin e punës dhe të ndërmerr hapa korrigjues për pagesën e realizuar përtej kontratës”, theksohet në rekomandimin e Auditorit të Përgjithshëm për këtë çështje.
Një problematikë tjetër të cilën e ka gjetur Auditori, është edhe emërimi në disa pozita i personave që nuk kanë kualifikimet e kërkuara.
Në një rast, Auditori ka identifikuar se një punonjës ishte emëruar Epror i lartë i skuadrave, pa u trajnuar dhe pa poseduar çertifikatë përkatëse. Gjithashtu, pozita të cilën e ushtronte nuk ishte pozitë e punës që kishte të bënte me minierën, e për më tepër pozita në fjalë nuk ishte e paraparë as në organogram.
Për këtë angazhim, “Trepça” e kompensoi zyrtarin me 300 euro shtesë në muaj.

“Ne kemi kërkuar dëshmi lidhur me vlerën e shtesës së kompensimit, mirëpo ndërmarrja nuk ka arritur të na siguroj bazën ligjore. Për më tepër, me këtë vlerë 300 euro ishin kompensuar edhe anëtarët e tjerë të Çetës së Shpëtimit”, theksohet në gjetjen e auditorit.
Në mesin e shkeljeve të evidentuara nga auditori, janë edhe mos regjistrim i plotë i pasurive dhe mungesë e dëshmive, mungesë e një politike për trajtimin e pasurive dhe zhvlerësimit, mos prezamtim i saktë i pasqyrës së rrjedhjes së parave, si dhe dhjetëra problematika të tjera. /Gazeta Infokus

T� tjera
-
Ymeri-Kurtit: Je me mentalitet të vjetër, ki me ra shumë shpejt
Deputetja e LDK-së, Janina Ymeri, i është drejtuar kryeministrit Albin Kurti ...
-
Kuvendi mbetet në terr, ndërpritet seanca ku po diskutohej për buxhetin
Ndërprerja e energjisë elektrike ka lënë në terr sallën e Kuvendit të Kosovës...
-
Godet era e fortë, bien dritaret nga ndërtesa, dëmtohet një veturë
Në Matiqan të Prishtinës sonte nga një ndërtese kanë rënë dritaret dhe e kanë...
-
Aksident tragjik në rrugën Prishtinë-Podujevë, humb jetën një person me aftësi të kufizuara
Një aksident trafiku me fatalitet ka ndodhur në fshatin Penuhë të Podujevës, ...
-
Kuvendi në orar të zgjatur, deputetët ende në sallë plenare
Ndonëse ora ka kaluar 22:20, deputetët e Kuvendit të Kosovës ende nuk po i ja...
-
“Telekomi zyrë punësimi për familjarët e pushtetit”, Krasniqi akuzon pushtetin për nepotizëm
Rrezarta Krasniqi ka ngritur akuza për punësime dhe përfitime të familjarëve ...
-
Bajrami – Kurtit: Qe gjashtë vjet në pushtet, ka mbetë tu folë për të kalumen
Pas përplasjes në Kuvend mes kryeministrit Albin Kurti dhe deputetes së LDK-s...
-
Shiroka Pula në Forumin Ndërkombëtar të Strategjisë 2026: Të rinjtë e Kosovës janë të angazhuar në teknologji dhe informacion, njohin disa gjuhë të huaja
Presidentja e Republikës së Kosovës, Justina Shiroka Pula, takoi delegacionin...
-
Kurti e pranon se qytetarët po largohen nga vendi, gjendjen në arsim dhe drejtësinë i rendit si arsye kryesore
Kryeministri i Kosovës, Albin Kurti, ka folur në Kuvendin e Kosovës për migri...
-
Komandanti i Forcave Tokësore të FSK-së zhvillon takim me homologun nga Shqipëria
Komandanti i Forcës Tokësore të Forcës së Sigurisë së Kosovës, Gjeneral Briga...
-
Iu ndal fjala në Kuvend – Rrahmani i përgjigjet Kurtit
Deputeti i Partisë Demokratike të Kosovës, Eman Rrahmani, në emisionin “DPT t...
-
Hamza për buxhetin: Nuk garanton as mirëmbajtjen
Deputeti i Partisë Demokratike të Kosovës, Bedri Hamza, ka kritikuar projektb...

































