Pacientet me kacer mbesin pa rrezatim, Onkologjisë nuk i funksionon aparatura e re
Autori: Gazeta inFokus 15:04 | 06 January 2023
Pacientët e klinikës së Onkologjisë, vazhdojnë të përballën me probleme të shumta si mungesa e barnave dhe mungesa e shërbimeve të cilat kjo klinikë nuk po arrin të iu ofrojë pacientëve. M. A i cili e ka gruan të diagnostikuar me kancer, tash e sa ditë është orvatur që t’i sigurojë gruas së tij rrezatimin e brendshëm, të cilin nuk ka mundur ta marr në Onkologji, pasi që aparatura nuk ka funksionuar.
Ai për “IndeksOnline”, ka rrëfyer vështirësitë nëpër të cilat po kalon, pasi që gruaja e tij nuk po e merr trajtimin e duhur dhe se çdo ditë e më shumë po i keqësohet gjendja. E për të gjetur qare për gruan, ia kishte mësyrë Shkupit. Por çmimi i rrezatimit të brendshëm, të cilit duhet t’i nënshtrohet gruaja e tij, atje kushton rreth 5 mijë euro, gjë që është e papërballueshme për xhepin e tij.
M.A i mërzitur nga kjo gjendje, duke mos arritur të siguroj trajtimin për sëmundjen e gruas së tij, thotë se familja po kalon në një ferr të vërtetë.
“Që pesë vjet gruaja trajtohet në Onkologji. Rezonancat, krejt na është dashur t’i bëjmë privat. Gruaja ka pas me ba rrezatim të brendshëm. Që pesë javë jam duke pritur. Në Klinikë po më thonë që aparatura ka defekt. Kam këqyr në Shkup, po kushtojke 4 mijë e 800 euro. Por unë nuk i kam renet me pagu atë shumë. Merrem me ndërtimtari, nuk muj me trajtu gruan në Shkup, se këto çmime për mua janë të papërballueshme. Kam shku më kanë thanë prit dhe një javë, mos po ndreqet aparati, por s’po më thirrin. Seancat për rrezatim i ka të caktuara. Çdo ditë që shtyhet dhe më keq bëhet. Gruaja çdo ditë po merr Trodona për dhimbje”, thotë ai.
Ai madje thotë se e tërë familja janë në panik, se mos po i ndodh diçka gruas, pasi që s’po mund ta bëjë rrezatimin e brendshëm. Por jo vetëm rrezatimi, A.M i dëshpëruar me këtë gjendje thotë se në Onkologji mungojnë dhe barnat dhe se çdo javë ai detyrohet të blejë terapi, me çmime tejet të larta. Madje thotë se që pesë vite, gruaja e tij vetëm një CT e ka bërë në Onkologji dhe se të gjitha janë detyruar t’i kryejnë privat, përkundër gjendjes së vështirë ekonomike që ka.
“Gruaja ka pas që dy javë me hy në rrezatim, por nuk ka hy. Gruaja është në panik, çdo ditë ka probleme, ka dhimbje, po baravatet me jetë. S’kam mundësi me pagu 5 mijë euro, veç me dal me vjedh diku, se s’mund t’i siguroj 5 mijë euro. As privat nuk ka asi aparature në Kosovë, ka vetëm Shkupi. Që pesë vjet vetëm një CT e kam bërë në të shtetit, të gjitha jam detyru me i kry privat, përkundër gjendjes së vështirë ekonomike që kam, më është dashur t’i siguroj të hollat, pasi që është në pyetje jeta e gruas sime”, thotë M.A.
E drejtori i Klinikës së Onkologjisë Arben Bislimi ka pohuar për “IndeksOnline”, se kanë një problem me funksionimin e aparaturës së re, por se ky problem pritet të rregullohet së shpejti dhe që nga java që vjen pacientët do t’i nënshtrohen këtij rrezatimi.
” Është fjala për Brahi- terapi, apo rrezatim i brendshëm. Në fakt nuk kemi prishje të aparaturës. Gjatë muajit dhjetor është montu, është rregullu një aparaturë e re tek ne CT Simulatori i ri, në shërbimin e radioterapisë. Dhe aty kemi pasur një periudhë kur jemi detyruar për shkak të këtij aparati, një numër të pacientëve mos me i pranu. Pikërisht për shkak të kësaj rrethane. Sepse operatori që e ka liferu këtë aparat, një pjesë e këtij CT Simulatori me aparatin e Brahi-Terapisë, nuk përshtatet si duket dhe për atë pacientët janë në pritje për këtë shërbim. Kjo pjesë është porosit nga ata, kjo nuk është në dorën tonë. Dhe se kjo pjesë sipas informatave që i kam, arrin të hënën dhe po besoj shumë që të martën ose të mërkurën fillojmë me punë me këta pacient, aty ku kemi mbetur”, thotë Bislimi.
Ndërsa thotë se pacientët të cilët duhet t’i nënshtrohen këtij rrezatimi nuk kanë nevojë të shkojnë në Shkup, pasi që aparati së shpejtë do të jetë në funksion për pacientët. Bislimi thotë se këto janë gjëra që ndodhin, kur bëhet fjalë për avansim të teknologjisë.
“Nuk ka nevojë ai me shku në Shkup as askund, sepse kjo punë kryhet te na. Është një procedurë të cilën Shqipëria nuk e bënë, ne e bëjmë. Këto gjëra ndodhin gjatë procedurave, kur avansohet shërbimi me teknologji. Kur nuk përshtaten nuk inkorporohen pjesët njëra me tjetrën. Por nuk është në dorën tonë. Operatorët e kanë përsipër në bazë të kontratës. Nuk ka prishje të aparatit, por mos përshtatja e kësaj pjese dhe nga e mërkura fillojmë aty ku kemi mbetur”, thekson Bislimi.
Ndërsa thotë se janë numër i vogël i pacientëve që janë në Brahi-terapi dhe se ata menaxhohen lehtë në momentin që funksionon aparatura, pasi që nuk ka listë të pritjes për këto rrezatime.
Të tjera
-
Kurti: Për 2 javë, 313 serbë i konvertuan patentë shoferët në të Kosovës, kanë kohë 3 muaj
Kryeministri i vendit, Albin Kurti, tha se për dy javë 313 qytetarë serbë i k...
-
Ngjarjet e datës 22 maj
Vazhdon procesi gjyqësor ndaj Thaçit dhe të tjerëve. (Hagë, ora 09:00) Kom...
-
Osmani takon disa ambasadorë evropianë, iu flet për nevojën e heqjes së masave ndaj Kosovës
Presidentja e vendit, Vjosa Osmani, ka pritur në takim ambasadorë të disa sht...
-
IPK-ja suspendon tre zyrtarë policorë
Inspektorati Policor i Kosovës bazuar në autorizimet ligjore, për dy raste të...
-
Ky është punëtori që vd iq pasi ra nga kulmi ku po punonte në Novobërdë
Një ngjarje e rëndë ka ndodhur sot në mëngjes, ku një punëtor i një kompanie ...
-
Haradinaj: Njëfarë vakti Kurti ka pasur nevojë për Mustafën si peshku për oksigjen
Daut Haradinaj, ish-deputet i AAK-së, tha se një kohë kryeministri Kurti ka p...
-
Kurti u shtron darkë partnerëve të koalicionit qeverisës dhe përfaqësuesve në Kuvend të komuniteteve joshumicë
Kryeministri i Republikës së Kosovës, Albin Kurti, i shoqëruar nga kryetarja ...
-
Kryeziu i reagon BE-së: Paraqitje mashtruese e asaj që Asociacioni ishte menduar të ishte
“Statusi i të gjitha strukturave dhe shërbimeve të mbështetura nga Serbia ësh...
-
E rëndë në Drenas: I riu e rrah të dashurën në motel, ajo ikë dhe del në rrugë – goditet nga një veturë
Një rast i pazakontë ka ndodhur mbrëmë pas mesnate në afërsi të një moteli në...
-
Qeveria: Asociacioni nuk është ombrellë për legalizimin e strukturave paralele
Përparim Kryeziu, zëdhënës i Qeverisë së Kosovës, nëpërmjet rrjetit social “X...
-
Haradinaj: Zgjedhje ka kur do Kurti
Ish-deputeti i Aleancës për Ardhmërinë e Kosovës, Daut Haradinaj, në emisioni...
-
Berisha, Escobarit: Ata që kërkojnë opozitë të emëruar, s’i shërbejnë demokracisë por “putinizmit”
Ish-kryeministri dhe ish-kryetari i Partisë Demokratike në Shqipëri, Sali Ber...