Lajme

Osmani viziton FSK-në: Pjesëmarrja në “Defender- Europe’23” konfirmon besimin e fuqishëm të partnerëve strategjik në ushtrinë tonë

Autori: Gazeta inFokus 16:55 | 05 April 2023

Preidentja e Kosovës, Vjosa Osmani të mërkurën ka vizituar Shtabin e Përgjithshëm të Forcës së Sigurisë së Kosovës në Kazermën “Adem Jashari” në Prishtinë, shkruan Gazeta Infokus.

Sipas presidencës kjo vizitë u bë me qëllim të informimit për përgatitjet finale për ekzekutimin e stërvitjes fushore “Defender-Europe’23”.

Osmani u njoftua nga gjenerali Bashkim Jashari dhe stafi i tij me zhvillimet aktuale në FSK dhe aktivitetet në proces, me theks të veçantë në përgatitjet finale para ekzekutimit të stërvitjes fushore të forcave amerikane me forcat tjera partnere “Defender –Europe’23”.

-Advertisement-

“Pjesëmarrja e mbi 1300 trupave të FSK-së në stërvitjen fushore “Defender- Europe’23”, përkrah forcave amerikane dhe aleatëve tjerë, si dhe statusi i Republikës së Kosovës në cilësi të vendit pritës, konfirmon besimin e fuqishëm të partnerëve tanë strategjik në profesionalizmin e FSK-së, si dhe besimin në vendin dhe popullin tonë në mbrojtjen e vlerave euroatlantike të lirisë dhe paqes rajonale e globale”, tha Osmani.

Në cilësi të Komandantes Supreme të FSK-së, Presidentja Osmani shprehu mbështetjen e plotë për zhvillimin dhe avancimin e FSK-së./Gazeta Infokus/

Subscribe në YouTube: GAZETA INFOKUSI
-Advertisement-

Të tjera

Fokusi

lajme