Fun & Video

Nusja arrestohet në ditën e dasmës

Autori: Gazeta inFokus 12:47 | 16 January 2024

Një vajzë meksikane ka përfunduar pas hekurave në atë që duhet të ishte dita më e lumtur e jetës së saj.

Me fustanin e nusërisë veshur, Nancy N., u arrestua gjatë një aksioni të udhëhequr nga prokurorët federalë, që çoi në shkatërrimin e një grupi të lidhur me kartelin e njohur të drogës, “La Familia Michoacana”.

Bashkë me nusen, pak para fillimit të ceremonisë u arrestua edhe dhëndri Clemente N, i njohur edhe me pseudonimin “Raton”. Të dy akuzohen për grabitje dhe rrëmbim, vepra këto të kryera për llogari të kartelit të drogës.

-Advertisement-

Policia publikoi edhe foto ku shfaqet Nancy N., me fustan nusërie dhe pranga në duar, ndërsa ka zëra se partneri i saj u arratis nga komisariati.

Gjashtë burra të tjerë u arrestuan atë ditë. Banda akuzohet për dhunë e zhvatje ndaj tregtarëve të shpendëve pranë Mexico City dhe rrëmbim të katër punonjësve të një dyqani shpendësh në Toluca.

Subscribe në YouTube: GAZETA INFOKUSI