Fun & Video

83-vjeçaren e hipin në avionin e gabuar – Në vend të Athinës, zbret në Tiranë

Autori: Gazeta inFokus 10:29 | 03 June 2024

Gazeta gjermane BILD, ka publikuar historinë e një 83-vjeçareje që për shkak të një ngatërrese avioni në aeroportin e Nurembergut në Gjermani përfundoi në Tiranë në vend që të shkonte në Athinë. Fluturimi i të moshuarës ishte prenotuar nga djali i saj i cili jeton në kryeqytetin grek dhe që kishte paguar edhe asistencë për nënën e tij për ta shoqëruar gjatë udhëtimit.

Por punonjësit e aeroportit e hipën të moshuarën në avionin e gabuar. Ajo zbarkoi në Shqipëri në vend të Greqisë. 83-vjeçarja, në një karrocë me rrota nuk dinte ku të shkonte në aeroportin e Tiranës derisa u pikas nga një punonjës i sigurisë.

Ajo nuk fliste as gjermanisht dhe as anglisht dhe vështirë se mund të komunikonte në një vend të huaj. Pasi u lidh me vajzën që kishte në Gjermani, të moshuarës i rezervuan në një hotel pranë aeroportit në Tiranë derisa mori një avion tjetër për në Athinë. BILD thotë se autoritete janë duke e e hetuar rastin se si ndodhi ngatërresa.

-Advertisement-

Subscribe në YouTube: GAZETA INFOKUSI
UNI – Universum International College sërish pjesë e Panairit të Edukimit, vazhdon të ofroj studime me standarde amerikane

Të tjera