Vetëm një ditë pas paralajmërimit të zyrtarëve të lartë të Telekomit të Kosovës së ndërmarrja rrezikon seriozisht të kolapsoi teknikisht 100 për qind kanë filluar telashet me shërbimet telefonike.

Qytetarët po ankohen se nuk mund të realizojnë thirrje e as të pranojnë në disa raste.

“A po keni probleme me Valën sot? A mundet me na tregu ndokush çka po ndodh me këtë operator?!”, shkruan Leonora Aliu, në llogarinë e saj në facebook duke kërkuar sqarime për mungesën e shërbimeve telefonike.

-Advertisement-

Kjo është vetëm njëra nga dhjetëra ankesat e qytetarëve që kanë adresuar këtë shqetësim në gazetën inFokus dhe në rrjetin social facebook.

Një ditë më parë, gazeta inFokus raportoi ekskluzivisht për telashet që përballet ky operatorë dhe rrezikun që i kanoset Telekomit nga falimentimi për shkak të gjendjes së rëndë financiare.

Të martën, Bordi Drejtues i Telekomit, i ka kërkuar 5 milionë euro nga kryeministri në detyrë, Ramush Haradinaj për ta shpëtuar këtë ndërmarrje nga falimentimi.

Në letrën të cilën e ka siguruar gazeta inFokus, thuhet se këto para duhen si masë emergjente e detyrueshme për të siguruar funksionimin normal. Në të kundërtën, ndërmarrja e udhëhequr nga drejtori menaxhues, Bedri Istrefi, rrezikon 100 për qind të kolapsoi teknikisht.

“Telekomi i Kosovës si Ndërmarrje Publike Qendrore, me aksionar të vetëm Qeverinë e Republikës së Kosovës, u drejtohet përmes kësaj kërkesë për rritjen e kapitalit të kompanisë në shumë prej jo më pak se 5 milion euro, si masë emergjente e detyrueshme për të siguruar funksionimin normal dhe pa rrezikun e falimentimit të TK”, thuhet në letrën të cilën e ka siguruar Gazeta inFokus.

Në këtë letër thuhet se Telekomi i Kosovës është duke kaluar në gjendje të rëndë financiar dhe rrezikon të hyjë në  një situatë ku situata nuk është e menaxhueshme pasojat janë të pa imagjinuara.

Si pasoj e situatës së krijuar në Telekom janë grumbulluar kërkesa të kontraktorëve të pa paguara dhe si pasojë Telekomi është duke operuar pa mirëmbajtje të platformave teknike dhe rrezikon të kolapsoi teknikisht.

“Gjendja e sistemeve teknike ( Rrjeti Qendror, Centralat, Radiot core netëork) janë siç është më se keqi pa mirëmbajtje dhe shumica  prej këtyre pajisjeve  janë edhe në “end of life”. Për të u rënduar ende kjo gjendje, Telekomi i Kosovës është duke operuar edhe pa mirëmbajtje të platformave duke rrezikuar kolapsin 100% teknik dhe funksional në ofrimi të shërbimit. Si pasojë e kësaj gjendje teknike dhe kualitet janë jo të kënaqshëm të ofrimit të shërbimeve, edhe është duke u dëmtuat imazhi i kompanisë e di për pasojë kemi edhe rënie të të hyrave ( mos realizmi të Biznes Planit)”, thuhet në letrën të cilën e posedon gazeta inFokus.

Në këtë situatë të cilën është kompania, zyrtarët e Telekomit i bëjnë me dije Haradinajt se është alarmi i fundit që e bënë të natyrës emergjente dhe jetësore ofrimin e mbështetjes financiare për rimëkëmbjen e TK-së. /Gazeta inFokus/

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-