Lajme

Nga sot mund të bëhet aplikimi online për lejeqëndrim në Kosovë

Autori: Gazeta inFokus 13:30 | 18 November 2026

Ministri i Punëve të Brendshme, Xhelal Sveçla, ka njoftuar se nga sot aplikimi për herë të parë për lejeqëndrim në Republikën e Kosovës mund të bëhet online, përmes platformës shtetërore e-Kosova.

Sipas Sveçlës, ky shërbim i ri është pjesë e procesit të digjitalizimit të shërbimeve publike dhe synon të lehtësojë procedurat administrative për shtetasit e huaj që aplikojnë për lejeqëndrim në Kosovë.

Ai bëri të ditur se përmes këtij sistemi, aplikimi do të jetë më i shpejtë, më i thjeshtë dhe më efikas.

-Advertisement-

Megjithatë, ministri theksoi se aplikimi online mund të bëhet vetëm nga brenda territorit të Republikës së Kosovës, në përputhje me legjislacionin në fuqi.

“Përmes këtyre reformave, po vazhdojmë modernizimin e shërbimeve publike, me synimin për një administratë më efikase, më të qasshme dhe në shërbim të qytetarëve”, ka shkruar ministri në Facebook.

Bletaria Haxhia – Tradita familjare dhe përkushtimi ndaj bletarisë sjellin mjaltë natyral e cilësor në tryezat tuaja
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy