Nga 1.12 në 1.79 euro – Sa do të binte çmimi i naftës nëse Qeveria heq akcizën
Autori: Hateme Smajli
14:55 | 24 March 2026
Çmimi i naftës në Kosovë ka arritur këtë të hënë në 1 euro e 79 cent për litër, nga rreth 1.12 euro sa ishte para sulmeve në Iran.
Në një kohë kur disa vende të rajonit kanë ndërhyrë për të lehtësuar barrën për qytetarët përmes uljes së TVSH-së apo heqjes së akcizës Qeveria e Kosovës deri tani nuk ka ndërmarrë masa të tilla.
Nga opozita, ministres së Industrisë, Ndërmarrësisë dhe Tregtisë (MINT), Mimoza Kusari-Lila, i është kërkuar një paketë konkrete ndërhyrjesh, përfshirë edhe heqjen e përkohshme të akcizës.
Megjithatë, ajo ka deklaruar se kjo nuk është opsion në këtë fazë.
“Ndërsa sa i përket akcizës mbetet të përcjellet në situatën aktuale nuk e konsiderojmë si opsion heqjen e akcizës por përcjellen e situatës në të cilën çmimi i importuar nuk e kalon çmimin tavan i cili është 12 cent në pakicë dhe 2 cent në shumicë. Për situata më tutje mbetet të shihet. Pajtohem plotësisht në dy propozimet tjera të cilat ishin pjesë e letrës së deputetëve të opozitës në këtë rast në të cilën sa i përket rezervave strategjike dhe koordinimit ndërinstitucional dhe bashkë me sektorin privat. Megjithatë më të lëndueshmit janë qytetarët e Republikës së Kosovës”, ka thënë Kusari-Lila.
Madje ajo ka akuzuar opozitën se ka bllokuar mekanizmat për mbrojtjen e konsumatorit, duke iu referuar dërgimit në Gjykatën Kushtetuese të ligjit për çmimet tavan.
“Këta sot që po e kërkojnë heqjen e TVSH-së ose akcizës e kanë sfiduar në Gjykatë Kushtetuese projektligjin për çmime tavan… dhe sot mekanizmi i vetëm i inspektorëve të tregut janë brenda asaj që parashihet me ligjin për tregtinë e brendshme dhe jo sipas dispozitave që do të ishin shumë më definitive dhe më të sakta e më shumë në mbrojtje të konsumatorëve”, ka shtuar ajo.
Nga ana tjetër, opozita ka paraqitur kërkesa konkrete për ndërhyrje në treg. Deputeti i AAK-së Besnik Tahiri, ka propozuar: Lirimin e menjëhershëm të së paku 50% nga TVSH-ja për derivatet, Heqjen e përkohshme të akcizës për naftën deri në stabilizimin e tregut, Krijimin e një taskforce të përbashkët me sektorin privat, Krijimin e rezervave strategjike të naftës.
Sipas tij, kombinimi i këtyre masave do të mund të ulte çmimin e naftës për rreth 40 cent për litër.
Edhe deputetja e LDK-së, Janina Ymeri, në një prononcim për Gazetën Infokus, ka vlerësuar se ndërhyrjet duhet të jenë më të targetuara dhe efektive, duke theksuar se akciza ka ndikim të menjëhershëm, por nuk është zgjidhja e vetme.
“Akciza ka ndikim më të menjëhershëm sepse është vlerë fikse për litër, por propozimi im konkret është subvencionimi i targetuar. Nuk mund të trajtohet njëjtë transporti publik me shfrytëzimin e makinës për qejf. Shteti duhet të ndihmojë aty ku është jetike: te transporti publik, bujqësia, KEK-u, bizneset prodhuese, përpunuese. Gjithashtu të mos harrojmë sektor si emergjencat, shëndetësia publike. Kjo siguron që të mos rritet çmimi për kategori kyqe dhe kostoja e prodhimeve tona vendore”, ka thënë Ymeri.
Ajo ka kërkuar gjithashtu që shteti të ndërmarrë masa strategjike për të përballuar kriza të tilla.
“Shteti duhet të lëvizë përtej ‘çmimeve tavan’ që po shihet se s’janë zgjidhje… Të krijohet një plan i mirëfilltë për rezervat shtetërore dhe private. Duhet ta dijmë si do t’ia bëjmë si shtet nëse mbetemi pa import për 2 javë”, ka deklaruar ajo për Infokus.
Sa do të binte çmimi pa akcizë?
Bazuar në strukturën aktuale të çmimit, nga 1.79 euro për litër, rreth 0.50 deri në 0.60 euro përbëjnë taksat (akcizë dhe TVSH).
Nëse këto taksa do të hiqeshin:
Çmimi teorik do të mund të zbriste në rreth 1.20 euro për litër.
Megjithatë ekspertët po paralajmërojnë se një masë e tillë më konkretisht heqja e TVSH-së, do të kishte kosto të lartë për buxhetin e shtetit dhe nuk garanton që ulja të reflektohet plotësisht tek konsumatori.
Në këtë situatë, përballë rritjes së shpejtë të çmimeve dhe mungesës së ndërhyrjeve fiskale, debati mes Qeverisë dhe opozitës po thellohet, ndërsa barrën kryesore vazhdojnë ta mbajnë qytetarët./Gazeta Infokus

T� tjera
-
Zulfaj reagon pas interpretimit të këngës nacionaliste serbe në Forumin e Zgjerimit të BE-së: Skandaloze dhe e papranueshme
Kryenegociatori i Kosovës me Bashkimin Evropian, Jeton Zulfaj, ka reaguar pas...
-
Koncerti i zgjerimit në Bruksel me këngën nacionaliste serbe, “Oj Kosovo, Kosovo”, Ambasadori Bajrami: KE të jap sqarime menjëherë
Ambasadori i Kosovës në Bruksel, Agron Bajrami ka reaguar pasi në koncertin h...
-
Pranim-dorëzimi i detyrës nga Haxhiu te Shiroka-Pula u bë me nje rregullore te re, NDI: Kosova e para në BP që e miratoi këtë kornizë
Damon M. Wilson nga NED Democrasy, ka vlerësuar Kosovën për miratimin e rregu...
-
Kurti përmbledh vizitën në Francë dhe Irlandë: U pritëm dy herë në Pallatin Élysée, takova Macronin dhe zyrtarë të lartë të shteteve
Kryeministri i Kosovëa, Albin Kurti, ka publikuar pamje nga vizitat e tij në ...
-
Skandal në Bruksel: Kënga nacionaliste serbe “Oj Kosovo, Kosovo” interpretohet në prag të Forumit të Zgjerimit të BE-së
Një ngjarje skandaloze është shënuar në Bruksel, në prag të edicionit të dytë...
-
Mbi 5,200 fluturime të prekura në SHBA për të tretën ditë radhazi, pritet rikthimi në normalitet të hënën
Ndërprerjet në trafikun ajror në Shtetet e Bashkuara kanë vazhduar për të tre...
-
Islami: Lista Studentore, në vazhdën e politikës së Serbisë kundër shtetësisë së Kosovës
Profesori i shkencave të sigurisë, Avni Islami, ka vlerësuar se takimi i përf...
-
Kandiq: Serbia duhet të përballet me faktet për krimet ndaj shqiptarëve në Kosovë
Aktivistja e njohur për të drejtat e njeriut në Serbi, Natasha Kandiq, ka rea...
-
Zelensky u bën thirrje SHBA-së dhe Muskut të heqin kufizimet e Starlink-ut dhe të rreshtohen në “anën e duhur të historisë”
Një shërbim thelbësor amerikan i internetit përmes satelitit vazhdon të funks...
-
Kurti bën bilancin e një jave jashtë shtetit, në Francë e Irlandë: U pritëm dy herë në Pallatin Elysse…
Kryeministri i Kosovëa, Albin Kurti, ka publikuar pamje nga vizitat e tij në ...
-
Jensen Huang dha dorëheqjen pas aferës me spiunen kineze, Sekretari amerikan i Thesarit: Nvidia duhet të dalë jashtë kompanisë për CEO-n e ri
Sekretari i Thesarit të SHBA-së, Scott Bessent, tha të dielën se Nvidia duhet...
-
E rëndë, edhe djali i viktimës nga Peja në gjendje kritike për jetën
Aksidenti tragjik në magjistralen Rozhajë–Beranë të Malit të Zi, ku humbi jet...





































