Ekonomi

Nënshkruhet marrëveshja e grantit prej 2.5 milionë euro për Hidromoravën

Autori: Gazeta inFokus 14:50 | 01 June 2023

Ministri i Financave, Hekuran Murati, Shefi i Zyrës së BERZh-it në Kosovë, Sergiy Maslichenko dhe Sekretari i Përgjithshëm i Hidromoravë, Agim Smillaku kanë nënshkruar sot marrëveshjen e grantit prej 2.5 milionë euro për këtë kompani të ujësjellësit rajonal.

Ky grant përfshin një milion euro për zgjerimin e rrjetit të ujërave të zeza, ndërsa 1.5 milionë euro për ndërtimin e impiantit për to, njofton Ministria e Financave, përcjell KlanKosova.tv.

“Projekti për trajtimin e ujërave të zeza në Gjilan kap vlerën totale prej afro 23.5 milionë euro, për të cilat tashmë është siguruar financimi. Implementimi i projektit është në fazën përgatitore dhe deri në fund të vitit pritet të fillojnë punimet në terren”, thuhet në njoftim.

Me këtë grant do të përforcohen kapacitetet e Hidromoravës dhe do të përmirësohen kushtet e ambientit përmes trajtimit të ujërave të zeza për rreth 76 mijë qytetarë.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Afër 6500 banorë të Shalës së Bajgorës përfitojnë nga rrjeti i ri

Të tjera

Fokusi

ekonomi