Opinione

Në Lindjen e Mesme po luhen lojëra të çuditshme

Autori: Gazeta inFokus 20:07 | 11 October 2023

Sulmi aspak njerëzor nga Hamasi nuk kishte qëllim tjetër veçse të provokonte një reagim ekstrem nga Izraeli.

Izraeli është tani është para një zgjidhje të pamundur – nga njëra anë, ka pritshmëritë e popullit të tij për të zgjidhur problemin palestinez një herë e përgjithmonë (e ashtuquajtura Zgjidhja Përfundimtare e mundësuar nga H.Himler), ose për të vepruar në mënyrë selektive, e cila do të shihet brenda dhe jashtë si një shenjë dobësie, dhe gjithashtu do të kërkonte shumë më tepër viktima nga pala izraelite.

Situata në terren është si vijon – në Rripin Gazës, në afërsisht 200 km2, rreth dy milionë njerëz jetojnë në një geto, nga të cilët 2/5 janë fëmijë.Terroristët e Hamasit po i përdorin ata si mburoja njerëzore.

-Advertisement-

Ata njerëz nuk kanë rrugëdalje – nga njëra anë është deti, dhe nga ana tjetër është Egjipti.

Nëse Izraeli, sipas njoftimeve, fillon të rrafshojë Gazën, pasojat me shumë gjasa do të jenë katastrofike – dhjetëra, e ndoshta qindra mijëra palestinezë të vdekur. Kujtojmë se këta persona që prej ditës së djeshme nuk kanë rrymë dhe ujë, bashkë me ndërprerjen e telekomunikacionit dhe dërgimin e ushqimeve dhe çdo lloj ndihme tjetër.

Ai numër viktimash nuk mund të karakterizohet ndryshe përveç gjenocid, megjithëse nuk do të kalojë nëpër gjykatat ndërkombëtare, edhe nëse ka miliona të vdekur.

Por kjo nuk është gjëja më e rëndësishme, e rëndësishme është që një gjë e tillë përfundimisht do t’i bashkonte të gjithë arabët kundër Izraelit, pavarësisht nga pozicioni dhe fuqia e Amerikës, dhe do t’i jepte Iranit një justifikim të madh për ta fshirë Izraelin nga harta e botës sa më shpejt duke qenë se posedon armë bërthamore.

E gjitha kjo le përshtypjen që Rusia ka një dorë në këtë (dhe Irani gjithashtu), pasi Putini është i vetmi që dëshiron që e gjithë vëmendja e botës të zhvendoset nga Ukraina në Lindjen e Mesme.

Siç thash në fillim, Izraeli po përballet me një zgjedhje të pamundur – nëse do të ruajë njerëzimin dhe të reagojë “në mënyrë të moderuar”, me një rritje të mundshme të viktimave të veta, ose të provojë një zgjidhje përfundimtare dhe në këtë mënyrë të gërmojë një varr për vete në të cilin do të varroset në të ardhmen e afërt.

Natyrisht, e gjithë loja duhet të marrë parasysh edhe gjenezën e të gjithë konfliktit dhe shumë më tepër…

Në përgjithësi, nuk shihet një rrugëdalje e lehtë nga e gjithë kjo situatë, as ndonjë zgjidhje që do të jetë e pranueshme për të gjitha palët.

Zoti na ndihmoftë, por me gjasë kjo do të përhapet në të gjithë botën por në mënyra të tjera, sikurse lufta e Ukrainës.

Subscribe në YouTube: GAZETA INFOKUSI
Fillon aplikimi për Global Engineer Girls Kosova

Të tjera