Sport

Ndeshja Suedi-Shqipëri, mësohet kur do të dalin në shitje biletat

Autori: Gazeta inFokus 17:25 | 25 February 2024

Shqipëria do të luajë më 25 mars ndaj Suedisë “në stadiumin “Friends Arena” të Stokholmit, duke nisur nga ora 19:00, miqësoren e dytë për muajin mars.

FSHF njofton të gjithë sportdashësit dhe tifozët e interesuar për të ndjekur miqësoren e kuqezinjve, do të kenë mundësi të blejnë bileta duke filluar nga datë 27 shkurt, ora 10:00.

Biletat do të jenë në shitje vetëm online dhe linku do të jetë funksional për të gjithë sportdashësit shqiptarë në faqen fshf.org, duke nisur nga data 27 shkurt.

-Advertisement-

Miqësoren e parë të muajit mars Shqipëria do ta luajë ndaj Kilit, në stadiumin “Enio Tardini”, në Parma të Italisë, më 22 mars, duke nisur nga ora 20:45.

Për më shumë informacion rreth këtyre ndeshjeve dhe biletave, FSHF ju fton të na ndiqni në ditët në vazhdim në kanalet e komunikimit në rrjetet sociale dhe faqen zyrtare në internet.