Lajme

Murati: Zhvillimet në veri janë pjesë e një loje politike Kurti-Vuçiq

Autori: Gazeta inFokus 22:45 | 21 June 2023

Valon Murati nga Lëvizja për Bashkim ka thënë se të gjitha zhvillimet në veri të vendit janë pjesë e një loje politike në mes të kryeministrit të Kosovës, Albin Kurti, dhe presidentit të Serbisë, Aleksandar Vuçiq.

Ai ka shtuar se kjo po bëhet për ta dështuar marrëveshjen e 27 marsit në Bruksel dhe atë të 18 shkurtit në Ohër.

“Ju e patë që Gabriel Escobar dje tha në mënyrë shumë alarmante se kjo situatë e rrezikon sigurinë rajonale – ishte një deklaratë e fortë që në esencë tregon edhe pse ndërhyri KFOR-i në ditën kritike”, ka thënë Murati.

-Advertisement-

“Në thelb, krejt kjo që po ndodh përfshirë edhe kidnapimin e policëve tanë dhe të gjitha zhvillimet në veri në të vërtetë janë pjesë e një loje politike mes Kosovës dhe Serbisë apo mes kryeministrit Kurti dhe presidentit Vuçiq – në një mënyrë ose tjetër për ta dështuar marrëveshjen”, ka shtuar ai.

Sipas tij, të dyja palët janë të pakënaqura me planin e Bashkimit Evropian për normalizimin e marrëdhënieve ndërmjet Kosovës dhe Serbisë.

“Ne e kemi pasur një konstatim që shpesh e kemi thënë publikisht se kjo marrëveshje që pastaj u kurorëzua me pluset dhe minuset e veta në marrëveshjen e Brukselit dhe në planin e implementimit të Ohrit, në të vërtetë të dyja palët i lë të pakënaqura”, vlerëson Murati.

“Palën serbe e lë të pakënaqur sepse me gjithë ato të meta që mund t’i ketë ujdia, Kosovës i jep një fuqizim në planin ndërkombëtar dhe në planin e sovranitetit të jashtëm, e afron në disa prej organizatave serioze ndërkombëtare, por edhe krijon një far kushti që Serbia në një mënyrë ose tjetër e njeh ‘de facto’ Kosovën”, shton ai. /Klan Kosova

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme