Sport

Mourinho e konsideron Premierligën joprofesionale

Autori: Gazeta inFokus 14:17 | 02 January 2021

Premierliga angleze u detyrua të anulonte dy ndeshje për shkak të problemeve që po vazhdon të shkaktoj koronavirusi, shkruan Gazeta inFokus.

Njëri nga takimet e anuluara ishte derbi i Londres mes Tottenhamit dhe Fulhamit, i cili ishte paraparë të luhej me 28 dhjetor, por për shkak të rasteve me koronavirus u anulua vetëm katër orë para fillimit.

Ky vendim i marrë në çastet e fundit nuk i ka pëlqyer aspak trajnerit të ‘Spurs’, Jose Mourinho, i cili nuk ka kursyer ironinë ndaj Premierligës, duke e konsideruar këtë veprim aspak profesional.

-Advertisement-

“Ndodh në kampionatin më të mirë në botë, anulohet ndeshja 4 orë para startit. Nuk dua të flas shumë, por ishte një sjellje aspak profesionale, kjo që sapo ndodhi. Më vjen keq pasi ishim përgatitur të luanim. Na çuan dëm një javë përgatitje për këtē ndeshje”, ka thënë tekniku portugez.

Kujtojmë se për shkak të rasteve me koronavirus është shtyer edhe sfida mes Evertonit dhe Manchetser Cityt./Gazeta inFokus/

Subscribe në YouTube: GAZETA INFOKUSI