Lajme

Molliqaj e quan arrogant Kurtin: Humbës i madh, as i luftës, as i paqes

Autori: Gazeta inFokus 22:32 | 24 August 2022

Lideri i PSD-së, Dardan Molliqaj e ka vlerësuar kryeministrin Albin Kurti si një humbës të madh.

Përmes një shkrimi në Facebook, Molliqaj thotë se Kurti nuk është i as i luftës e as i paqes, e sipas tij, e tillë do të jetë edhe marrëevshja me Serbinë.

“Kurti, ky humbës i madh. As i luftës, as i paqes. I tillë është Kurti. E tillë do të jetë marrëveshja. Pa destinacion final. Pa zgjidhje të qëndrueshme. Pa mundësi paqeje mes dy vendeve. Pa ecje integruese drejt BE. Pa njohje nga Serbia”, shkroi Molliqaj.

-Advertisement-

Tutje ai tha se ka kohë që kryeministri Kurti tallet me opozitën parlamentare. Ai madje e quan Kurtin ‘arrogant’.

Sipas tij, Kurti dëshiron që të fitojë luftën e ngushtë lokale, por që thotë se e ka humbur atë madhoren, finalen.

“Ky degradim i shtetësisë së Kosovës e fuqizon frymën e rezolutës 1244. KFOR-i në pushtet kufitar. E kryeministri ka kohë të tallet me opozitën parlamentare. Arrogant. Dëshiron të fitojë luftën e ngushtë lokale, por e ka humbur atë madhore, finale”, shkroi Molliqaj.

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu

Të tjera

Fokusi

lajme