Fokus

Mijëra euro dhe profile të rreme: Strategjia e shtrenjtë e Lumir Abdixhikut për të rritur ndjekësit në Facebook

Autori: Gazeta inFokus 14:06 | 28 December 2024

Mbi 14 mijë euro i ka investuar në sponzorizime vetëm në profilin e tij në Facebook, kryetari i Lidhjes Demokratike të Kosovës, Lumir Abdixhiku. Madje, për një postim të vetëm ka paguar deri në një mijë euro.

Gazetari Shkëlzen Dakaj ua ka bërë një analizë gjithë këtyre postimeve në të cilat kandidati i LDK-së për kryeministër po paguan para të mëdha.

Dakaj ka treguar se si Abdixhiku i ka sponzorizuar me para të gjitha 71 postimet e tij të fundit. Në secilën nga to janë paguar prej 100 e deri në një mijë euro.

-Advertisement-

 

“Me 1,000 euro e paska përshëndetur muzikën e Markut te Facebookut  në postimin e poezisë: “Bëhu ndryshimi, bëhu shpresë e madhe, bëhu ëndërr nane, bëhu vendi që lulëzon…”Me 900 euro i paska përshëndetur orkestrën e Markut në postimin: “Këto janë projektet tona në infrastrukturë dhe energji”. Me 900 euro e paska përshëndet elektoratin në postimin: “4 vjet, 2 kilometra rrugë. Mos ja bë vetes rrafsh, bëhu ndryshimi.” Me 800 euro në FB gjithashtu i paska përshëndetur fansat kinezë me postimin: “Mos ja bë vetes rrafsh, jemi të fundit në arsim.”, ka treguar Dakaj.

Me 800 euro, Abdixhiku ka sponzorizuar edhe postime të tjera.

Mirëpo, kjo nuk është mënyra e vetme përmes së cilës Abdixhiku po tenton që ta rrisë përkrahjen online.

Abdixhiku bashkë me aktivistë të LDK-së kanë krijuar qindra profile të rreme në Facebook, përmes së cilave po i rrisin pëlqimet, komentet e shpërndarjet.

Doni Preniqi, Enver Smakiqi, Ari Kusari, Smail Sopjani, Viktor Shala e  Tahir Halili, janë vetëm disa nga profilet e rreme të krijuara nga Lidhja Demokratike e Kosovës. /Gazeta Infokus

Shkrimi i plotë

Lumir Abdixhiku me nga 1000 euro boost në një postim në FB
Hiç më pak se 14,200.00 euro të buta i paska shti boosta deri tash Lumir Abdixhiku në profilin e tij personal në Facebook. Ndryshimi i LDK-së.
Krejt çka ka postuar deri sot, 71 postime i paska pagu me euro në Facebook. Ju që nuk e dini çka është kjo punë “BOOST” po ju tregoj. Në çdo postim në profilin e tij në FB, Lumir Abdixhiku ka
shti pare, e ka pagu Facebook-un që t’ju shfaqen juve postimet e tij. Edhe prapë shumicën e like-ve, share-ve dhe komenteve i ka nga profile të rreme, siç e keni parë me videon të cilën e kam
postuar para pak ditësh.
Deri me nga 1,000 euro boost në një postim.
Ia paska thyer Mark Zuckerbergut
Me 1,000 euro e paska përshëndetur muzikën e Markut te Facebookut  në postimin e poezisë: “Bëhu ndryshimi, bëhu shpresë e madhe, bëhu ëndërr nane, bëhu vendi që lulëzon…”
Me 900 euro i paska përshëndetur orkestrën e Markut në postimin: “Këto janë projektet tona në infrastrukturë dhe energji”.
Me 900 euro e paska përshëndet elektoratin në postimin: “4 vjet, 2 kilometra rrugë. Mos ja bë vetes rrafsh, bëhu ndryshimi.”
Me 800 euro në FB gjithashtu i paska përshëndetur fansat kinezë me postimin: “Mos ja bë vetes rrafsh, jemi të fundit në arsim.”
Me 800 euro të tjera i paska përshëndetur edhe pacientat: “Spital i ri! Model i ri. Ky është zotimi im
Me 700 euro Lumiri nanes i paska përshëndetur ushtarët e Lutfi Hazirit në Gjilan me rastin e tubimit elektoral më 30 nëntor.
Me 600 euro i paska përshëndetur udhëtarët e autostradës së Shkupit: “Shkupi 1 orë larg, mos ja bë vetes rrafsh.”
Me 600 euro të tjera po ashtu i paska përshëndetur fansat e ideve e ambicieve: “Ndryshim në infrastrukturë, në tempo, ide e ambicie.”
Me 500-she lejla i paska përshëndetur konsumatorët e energjisë elektrike: “Central i ri, energji e lirë. 500 milionë për centralin e ri.”
Dhe pershendetjet (boost-et) e tjera i paska me nga 300 e 200 euro.
Nuk e di pse, por asnjë boost nuk e pati me 400 euro. Ndoshta mendon që është baksuz shuma 400 euro e për këtë arsye i humb zgjedhjet. Ama 100-she, 200-she e 300-she Lumiri paska shpërndarë sa e ka leshu zoti.
Po me doket po e shoh si ata në darsma në Tetovë.
Tybe edhe unë kam me boost-irat këtë postim me një 5-she-qinshe n’kajmak
“LUMIR2025”
“Bëhu ndryshimi.”
Like, share, koment!

 

 

Subscribe në YouTube: GAZETA INFOKUSI
Oferta speciale deri në 70% dhe ekstra zbritje në dyshekët Comodita
-Advertisement-

Të tjera

Fokusi

fokus