Zgjedhjet 2021

Mesazhi i fundit i Limajt para heshtjes zgjedhore: Faleminderit nga zemra që jeni rreshtuar pas numrit 121

Autori: Gazeta inFokus 23:25 | 12 February 2021

Kryetari i Nismës Socialdemokrate, Fatmir Limaj, i është drejtuar me një mesazh të gjithë përkrahësve të Nismës dhe bashkëluftëtarëve të tij një orë para fillimit të heshtjes zgjedhor.

Lideri i Nismës i ka falëndëruar dhe është shprehur shumë mirënjohës të gjithëve për mbështetjen që i kanë dhënë këto ditë, në çdo takim që kanë zhvilluar bashkë.

“Falënderim të veçantë për të gjithë bashkëluftëtarët, familjarët e dëshmorëve dhe invalidët e luftës së UÇK-së, të cilët janë rreshtuar krah kauzës sonë jetike për mbrojtjen e vlerave kombëtare. Këto ditë, kam qenë pranë jush, e bashkë me ju, jemi angazhuar për qëllimin e përbashkët, që zëri i UÇK-së të jehojë sa më fuqishëm në Parlament dhe kudo nëpër institucionet tona”, thuhet ndër të tjera në mesazhin e Limajt.

-Advertisement-

Ai ka siguruar se angazhimi dhe përkushtimi i deputetëve të në Nismës Parlament, do të jetë gjithmonë në funksion të ruajtjes dhe promovimit të vlerave më sublime të kombit.

Postimi i plotë:

Të nderuar qytetarë të Republikës së Kosovës,

Anëtarë dhe përkrahës të Nismës Socialdemokrate,

Të nderuar bashkëluftëtarë,

Ju falënderoj nga zemra dhe ju jam shumë mirënjohës të gjithë juve për mbështetjen që na keni dhënë këto ditë, në çdo takim që kemi zhvilluar bashkë.

Falënderim të veçantë për të gjithë bashkëluftëtarët, familjarët e dëshmorëve dhe invalidët e luftës së UÇK-së, të cilët janë rreshtuar krah kauzës sonë jetike për mbrojtjen e vlerave kombëtare.

Këto ditë, kam qenë pranë jush, e bashkë me ju, jemi angazhuar për qëllimin e përbashkët, që zëri i UÇK-së të jehojë sa më fuqishëm në Parlament dhe kudo nëpër institucionet tona.

Ju siguroj, se angazhimi dhe përkushtimi i deputetëve tanë në Parlament, do të jetë gjithmonë në funksion të ruajtjes dhe promovimit të vlerave më sublime të kombit.

Sot, cep më cep Republikës, atdhedashës të shumtë të këtij vendi, përtej dallimeve partiake janë rreshtuar “Me Çlirimtarët”, dhe kanë vendosur që të dielën të dalin masovisht për të votuar për numrin 121. Na priftë e mbara!

Voto NISMA 121.

Subscribe në YouTube: GAZETA INFOKUSI