Lajme

Meloni nis qeverisjen e Italisë, mban mbledhjen e parë të kabinetit

Autori: Gazeta inFokus 15:10 | 23 October 2022

Giorgia Meloni mori zyrtarisht të dielën detyrën si kryeministre e parë grua e Italisë.

Dorëzimi i pushtetit u bë nga kryeministri në ikje Mario Draghi në pallatin Kixhi në Romë dhe menjëherë më pas Meloni mbajti një mbledhje të shkurtër të kabinetit.

Ish-kreu i Bankës Qendrore Evropiane, në pushtet që prej shkurtit 2021, i dorëzoi pasueses së tij kambanën simbolike që përdoret nga kreu i qeverisë për të menaxhuar debatet në Këshillin e Ministrave, raporton Euronews.al, transmeton Klankosova.tv.

-Advertisement-

Presidentja e Komisionit Evropian, Ursula von der Leyen e uroi Melonin dhe tha se kishte zhvilluar një bisedë telefonike konstruktive me të. Ndërsa Meloni u shpreh se ishte gati të punonte me liderët e bllokut.

Të shtunën, Meloni dhe 24 ministrat bënë betimin përpara presidentit Sergio Mattarella në pallatin Kuirinale të Romës.

Marrja e detyrës nga politikania 45-vjeçare përbën një event historik për ekonominë e tretë të Eurozonës dhe partinë Vëllezërit e Italisë, që nuk ka qenë kurrë në pushtet.

Subscribe në YouTube: GAZETA INFOKUSI
Etiketa:
Black Friday ne Artmotion
-Advertisement-

Të tjera

Fokusi

lajme