Lajme

Mehaj: Ndryshimet e projektligjit për FSK-në u bënë në koordinim me partnerët

Autori: Gazeta inFokus 12:16 | 15 September 2022

Kuvendi i Kosovës e ka miratuar në parim Projektligjin për ndryshimin dhe plotësimin e Ligjit për Shërbim në Forcën e Sigurisë së Kosovës.

Ministri i Mbrojtjes, Armend Mehaj, deklaroi se të gjitha ndryshimet dhe plotësimet u bënë në koordinim të plotë me partnerët ndërkombëtarë.

“Shqyrtimi dhe miratimi i këtij projektligji është i nevojshëm për krijimin e bazës ligjore që siguron zbatimin e kontrollit të plotë civil, demokratik nga Ministria e Mbrotjes në Forcën e Sigurisë së Kosovës si dhe shërben në zhvillimin dhe avancimin e Forcës së Sigurisë së Kosovës”.

-Advertisement-

Këto ndryshime dhe plotësime në krejt këto projektligje janë bërë në koordinim të plotë me partnerët tanë ndërkombëtarë duke marrë parasysh faktin se Kosova është përcaktuar që të bëhet pjesë e NATO-s. Andaj kërkojmë që të votohen të gjitha ndryshimet dhe plotësimet në projektligje” tha Mehaj.

Subscribe në YouTube: GAZETA INFOKUSI