Lajme

Mblidhen këto komisione parlamentare

Autori: Gazeta inFokus 07:00 | 25 April 2023

Sot do të mbajnë mbledhje disa komisione të Kuvendit të Republikës së Kosovës.

Komisioni për të Drejtat dhe Interesat e Komuniteteve dhe Kthim në rend dite ka këto pika: Shqyrtimi i Projektligjit nr.08/L-153 për edukimin në fëmijërinë e hershme, me amandamente të Komisionit funksional për Arsim, Shkencë, Teknologji, Inovacion, Kulturë, Rini dhe Sport, shqyrtimi i Projektligjit nr. 08/L-176 për ndryshimin dhe plotësimin e ligjeve që përmbajnë procedura të veçanta administrative dhe harmonizimin e tyre me Ligjin nr. 05/L- 031 për procedurën e përgjithshme administrative, me amandamente të Komisionit funksional për Administratë Publike, Pushtet Lokal, Media dhe Zhvillim Rajonal.

Komisioni për Çështje të Sigurisë dhe Mbrojtjes, shqyrton në parim i Projektligjit Nr.08/L-225 për Agjencinë e Inteligjencës dhe Sigurisë së Mbrojtjes.
Po ashtu do të ketë raportim të Komisioneres së Agjencisë për Informim dhe Privatësi znj. Krenare Sogojeva-Dermaku,për raportin vjetor të punës për vitin 2022y raportoj RTKlive.

-Advertisement-

Komisioni për Ekonomi, Industri, Ndërmarrësi dhe Tregti, bën shqyrtimin e raportit me amendamente i Projektligjit nr.08/L-192 për ndryshimin dhe plotësimin e Ligjit nr.06/L-034 për mbrojtjen e konsumatorit dhe shqyrton Raportin vjetor të Zyrës së Rregullatorit të Energjisë (ZRRE) për vitin 2022.

Komisioni për Administratë Publike, Pushtet Lokal, Media dhe Zhvillim Rajonal, bën shqyrtimin e raportit vjetor të Radio Televizionit të Kosovës, për vitin 2022.

Komisioni për Mjedis, Ushqim, Bujqësi, Planifikim dhe Zhvillim, shqyrton raportin për gjendjen e natyrës 2018-2021, te ftuar zyrtarët nga MMPHI dhe bën shqyrtimin e kërkesave të qytetarëve (2 peticioneve) rreth parkingjeve publike.

Komisioni për Buxhet, Punë dhe Transfere bën shqyrtimin e raportit me amendamente i Komisionit Funksional për Projektligjin nr.08/L-176 për ndryshimin dhe plotësimin e Ligjeve që përmbajnë Procedura të veçanta administrative dhe harmonizimin e tyre me Ligjin nr.05/L-031 për Procedurën e Përgjithshme Administrative dhe bën shqyrtimin e Raportit Vjetor Financiar i Këshillit Prokurorial të Kosovës për vitin 2022.

Subscribe në YouTube: GAZETA INFOKUSI