Mbi 181 mijë aplikime për subvencionimin e teksteve, afati përfundon sonte
Autori: Gazeta inFokus
21:38 | 14 August 2026
Mbi 181 mijë prindër kanë aplikuar deri më tani për subvencionimin e teksteve mësimore për fëmijët e tyre, teksa Ministria e Arsimit paralajmëron se afati shtesë mbyllet përfundimisht sot në mesnatë. Me 14 milionë euro të ndara nga buxheti, autoritetet premtojnë se fondet do të dalin në llogari sapo të përfundojë verifikimi i të dhënave, për t’u siguruar që çdo nxënës të jetë gati me libra para 1 shtatorit.
Kanë mbetur edhe pak orë deri në përfundimin e afatit për aplikim për subvencionimin e teksteve mësimore dhe materialeve shkollore për nxënësit nga klasa e parë deri në të nëntën. Ministria e Arsimit u ka bërë thirrje prindërve dhe kujdestarëve ligjorë që të shfrytëzojnë orët e mbetura për të aplikuar. Afati, i cili fillimisht ishte caktuar të përfundonte më 9 gusht, u shty pas kërkesave të prindërve që nuk kishin arritur të aplikonin në kohë. Deri tani, sipas të dhënave të Ministrisë, janë realizuar më shumë se 181 mijë e 500 aplikime.
Prej tyre, 95 mijë e 388 janë aprovuar, ndërsa 96 mijë e 98 aplikime janë trajtuar dhe 710 janë refuzuar.
“Secili aplikim nga ana e prindërve dhe kujdestarëve ligjorë verifikohet nga koordinatori në secilën shkollë, në rast se nxënësi nuk është i regjistruar në atë shkollë, aplikimi refuzohet. Në qoftë se nxënësi që prindi i të cilit ka aplikuar për subvencionim është i regjistruar në shkollë edhe në klasën përkatëse, ai aprovim është i suksesshëm. Ndërsa tentimet e tjera që dikush të aplikojë pa qenë i regjistruar në sistemin arsimor, refuzohen. Pra, çdo aplikim që nxënësi nuk është i regjistruar në klasë refuzohet. Verifikimi nga ana e koordinatorëve është hera e dytë që po aplikohet në nivel vendi, arsyeja për këtë ka qenë që të shmangen keqpërdorimet në këtë proces. Pra, Ministria e Arsimit ka shkuar duke e përsosur procesin”, tha Anita Kadriu, drejtore e Departamentit për arsim parauniversitar në Ministri të Arsimit.
Për këtë skemë mbështetëse janë ndarë 14 milionë euro përmes ligjit të buxhetit. Megjithatë, shuma e saktë që do të përfitojë secili nxënës mbetet e papërcaktuar. Ministria bën të ditur se vlera për secilin përfitues do të llogaritet vetëm pasi të mbyllen aplikimet dhe të përfundojë verifikimi i plotë i të dhënave.
“Duke parë dinamikën e verifikimit të aplikimeve nga ana e koordinatorëve, ne mendojmë që deri nga java e ardhshme të përfundojë verifikimi. Në momentin që përfundon verifikimi, Ministria e Arsimit pastaj është e gatshme t’i transferojë mjetet në xhirollogari. Saktë nuk mund të japim ndonjë datë, por mund të theksojmë që javën e ardhshme përfundon verifikimi i aplikimeve”, shtoi ajo.
Ministria e Arsimit thotë se synimi është që nxënësit të pajisen me tekste mësimore para fillimit të vitit të ri shkollor, më 1 shtator./RTK

T� tjera
-
Tasholli: Specialja mund të quhet “Gjykatë Fashiste”, po përdoret për hesape politike
Ismail Tasholli nga platforma qytetare “Liria ka Emër”, ka kritikuar ashpër G...
-
Hoti me kritika ndaj qeverisë: Anuluan projektin e gazit, paratë i orientuan për bateri që nuk prodhojnë energji
Deputeti i Lidhjes Demokratike të Kosovës (LDK), Avdullah Hoti, ka kritikuar ...
-
Kilaj deklarohet pas lirimit: S’është dasht me ekzistu fare ky proces
Ish-komandanti i Ushtrisë Çlirimtare të Kosovës (UÇK), Isni Kilaj, ka reaguar...
-
Irlanda kalon në epërsi ndaj Kosovës, Hajrizi përjashtohet me të kuq
Irlanda ka kaluar në epërsi ndaj Kosovës.Parrott ka realizuar nga penalltia. ...
-
FBI paralajmëron për sulme kibernetike në mbarë botën, hakerët po përdorin AI për të depërtuar në sisteme brenda tri orësh
FBI ka publikuar sot një paralajmërim për sulme kibernetike që mund të prekin...
-
Nis ndeshja Irlandë – Kosovë
Ka nisur përballja ndërmjet Irlandës dhe Kosovës, shkruan Gazeta Infokus. Të...
-
Qeveria mban mbledhje, këto janë vendimet që u morën
Qeveria e Kosovës ka mbajtur një mbledhje elektronike, në të cilën njofton se...
-
Policia njofton dy ekstradime drejt Kosovës, një nga Shqipëria dhe një nga Franca
Drejtoria për Bashkëpunim Ndërkombëtar Policor e PK-së, në koordinim dhe bash...
-
Ligji për Specialen votohet të enjten, të njëjtën ditë seancë e re per buxhetin dhe 10 pika tjera
Të enjten pritet të votohet ligji për Gjykatën Speciale. Siç merr vesh Gazeta...
-
Lojërat Mesdhetare, Rama fajëson sërish Qeverinë: Nuk i përmbushi detyrimet, as pagesën kontraktuale
Kryetari i Prishtinës, Përparim Rama, drejtoi kritika ndaj Qeverisë së Kosovë...
-
Publikohet formacioni i Kosovës, shumë ndryshime në përballjen ndaj Irlandës
Është publikuar formacioni zyrtar i Kombëtares së Kosovës për përballjen ndaj...
-
Haxhiu në Bruksel, i kërkon PE-së angazhim për shqyrtimin e kërkesës së Kosovës për anëtarësim në BE
Kryetarja e Kuvendit, Albulena Haxhiu ka kërkuar nga Parlamenti Evropian që t...


































