Lajme

Hoxha takohet me Marta Kos: Angazhimet duhet të kthehen në reforma dhe anëtarësim

Autori: Gazeta inFokus 18:50 | 17 November 2026

Ministri për Evropën dhe Punët e Jashtme i Shqipërisë, Ferit Hoxha, zhvilloi një takim me Komisioneren Evropiane për Zgjerimin, Marta Kos, ku është diskutuar për avancimin e Shqipërisë drejt anëtarësimit në Bashkimin Evropian.

Gjatë këtij takimi, në qendër të diskutimeve ishte progresi i arritur nga Shqipëria, pas publikimit të Raportit të Progresit 2026, si dhe hapat që duhet të ndërmerren për përmbylljen e negociatave të anëtarësimit.

Hoxha dhe Kos kanë shqyrtuar gjithashtu ecurinë e udhërrëfyesit të negociatave dhe zbatimin e Planit të Rritjes për Ballkanin Perëndimor, duke u ndalur te perspektiva e mëtejshme e integrimit evropian të vendit.

-Advertisement-

Kreu i diplomacisë shqiptare ka vlerësuar se vendi ndodhet në një fazë të rëndësishme të rrugës drejt BE-së, por ka theksuar se përparimi i deritanishëm duhet të shoqërohet me rezultate konkrete në procesin e reformave.

“Tani është koha që këtë momentum ta përkthejmë në rezultate të matshme, të vijojmë me mbylljen e kapitujve dhe t’i shndërrojmë angazhimet në reforma, e reformat në anëtarësim”, u shpreh Ministri.

Ai ka ritheksuar nevojën për koordinim të vazhdueshëm me institucionet e Bashkimit Evropian dhe shtetet anëtare, me qëllim të përshpejtimit të reformave dhe përmbushjes së kritereve të përcaktuara në kuadër të negociatave.

Në këtë fazë të procesit, sipas Hoxhës, është e rëndësishme që Shqipëria të ruajë ritmin e angazhimeve dhe të konkretizojë objektivat e saj për anëtarësim.

Në fund të takimit, ministri ka falënderuar komisioneren Marta Kos për përkrahjen që po i jep Shqipërisë në rrugëtimin evropian, duke vlerësuar angazhimin e saj për një proces zgjerimi të mbështetur në merita dhe kritere të qarta. Ai ka theksuar gjithashtu se zgjerimi i Bashkimit Evropian nuk përfaqëson vetëm një proces institucional, por edhe një interes strategjik për të ardhmen e përbashkët të Evropës.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy