Ekonomi

“Mbi 1600 biznese u mbyllën në vitin 2023 në Kosovë”

Autori: Gazeta inFokus 12:20 | 19 January 2024

Aleanca Kosovare e Bizneseve (AKB) vlerëson se viti 2023 ishte sfidues për Kosovën, si në aspektin ekonomik, ashtu dhe në politikë dhe siguri, gjë që ka ndikuar në rënie të investimeve dhe zhvillimit ekonomik në Kosovë.

“Ekonomia kishim rënie të zhvillimit në krahasim me vitet paraprake si në investime, investime kapitale, eksporte por edhe kishim shurje të bizneseve”, thuhet në një komunikatë të kësaj organizate.

Në bazë të dhënave që posedon AKB, në vitin 2023 u mbyllen mbi 1600 biznese të sektorëve të ndryshëm nga të gjitha regjionet dhe komunat e Kosovës.

-Advertisement-

Duke llogaritur se këto kompani kishin mesatarisht nga 1-4 punëtorë, vlerësohet se mbetën pa punë rreth 5000 punëtorë.
Kryetari I AKB-së, Agim Shahini, ka vlerësuar se trendi i hapjes dhe i mbylljes së bizneseve në Kosovë gjatë tri viteve të fundit ishte mesatarisht i njëjtë, me rreth 11000 biznese të hapura dhe 1600 të mbyllura.

Subscribe në YouTube: GAZETA INFOKUSI
Coffee Show B2B në Zagreb nga Devolli Corporation

Të tjera