Lajme

Mbi 120 shoferë nën ndikim alkooli gjatë 10 ditëve në Gjakovë, policia shqipton 1580 gjoba

Autori: Gazeta inFokus 13:15 | 28 July 2026

Policia e Kosovës ka njoftuar se Njësia Rajonale e Komunikacionit Rrugor në Gjakovë ka intensifikuar kontrollet në trafik gjatë 10 ditëve të fundit në kuadër të planeve operative “Alkooli” dhe “Vera 2026”, me synim rritjen e sigurisë rrugore dhe parandalimin e aksidenteve.

Sipas njoftimit, gjatë kësaj periudhe janë kryer gjithsej 1,892 alkool-teste, ndërsa 123 drejtues mjetesh kanë rezultuar se po drejtonin automjetet nën ndikimin e alkoolit. Ndaj tyre është zbatuar masa mbrojtëse e konfiskimit të patentë-shoferit, sipas procedurave ligjore, transmeton lajmi.net.

Përveç kësaj, zyrtarët policorë kanë shqiptuar edhe 1,580 gjoba për shkelje të ndryshme të rregullave të trafikut, përfshirë tejkalimet e pasigurta, tejkalimin e shpejtësisë, përdorimin e telefonit gjatë vozitjes, mosvendosjen e helmetës dhe kundërvajtje të tjera.

-Advertisement-

Në kuadër të zbatimit të planit operativ “Vera 2026”, policia ka identifikuar edhe dy raste të posedimit të substancave narkotike, si dhe një rast të armëmbajtjes pa leje.

Policia rajonale e Gjakovës u ka bërë thirrje të gjithë pjesëmarrësve në komunikacion që të respektojnë rregullat e trafikut, duke theksuar se kujdesi dhe përgjegjësia në rrugë janë thelbësore për parandalimin e aksidenteve dhe rritjen e sigurisë për të gjithë.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy