Sport

Luka Modric fiton gjyqin, shteti spanjollë duhet t’i paguajë disa miliona euro lojtarit

Autori: Gazeta inFokus 14:13 | 18 January 2024

Futbollisti i njohur kroat, Luka Modriq fitoi gjyqin ndaj shtetit të Spanjës dhe do të bëhet më i pasur për 3.6 milionë euro dhe për këtë fitore luftoi me vite.

Vendimi në favor të Modricit u dha nga Gjykata Ekonomike dhe Administrative në Madrid, e cila vendosi që autoritetet tatimore spanjolle e kanë dëmtuar ndjeshëm mesfushorin e Real Madridit më shumë se dhjetë vjet më parë.

Kontestohet viti 2012, gjatë të cilit Modric kaloi nga Tottenham në Real Madrid dhe autoritetet i “prenë” një shumë të tepërt parash në fund të vitit.

-Advertisement-

Ata e ngarkuan me taksa duke u bërë sikur të kishte kaluar gjithë vitin në Spanjë dhe ai kishte qenë anëtar i Real Madridit vetëm nga fundi i gushtit.

Luka Modric has won his tax case, assuring himself €3.5m.

#RealMadrid pic.twitter.com/mLlLf0CwYl

— Football España (@footballespana_) January 17, 2024

Sipas mediumit El Mundo, është konstatuar se tatim-mbledhësit i kanë mbledhur tatimin Modricit në shuma të veçanta prej 1.2 dhe 1.5 milionë euro, përveç kësaj e kanë gjobitur me 900.000 euro dhe tani duhet t’i kthejnë gjithsej 3.6 milionë euro.

Administrata tatimore spanjolle u mbrojt duke pretenduar se, edhe pse Modric ishte në Madrid vetëm katër nga dymbëdhjetë muajt e mundshëm, ai e realizonte pjesën më të madhe të të ardhurave në tokën e këtij vendi, por ky nuk ishte një argument që kaloi në gjykatë.

Ligji ishte në anën e Modricit sepse thotë se një banor në Spanjë konsiderohet një person që jeton në vend për 183 ditë, dhe Modric kaloi 127 ditë atje në vitin 2012.