Lajme

Lloçi në trasenë e autostradës Prishtinë-Gjilan, Kurti dhe Aliu thonë kryhet sivjet

Autori: Gazeta inFokus 14:09 | 24 January 2024

“Autostrada Prishtinë—Gjilan po bëhet. Ajo hapet këtë vit. Urime!”, shkroi kryeministri Albin Kurti verën e vitit të kaluar në një postim në Facebook.

Para pak ditësh u publikua një fotografi që tregonte gjendjen e tmerrshme të asaj rruge :traseja e autostradës së papërfunduar përplot me baltë.

Në mbledhjen e sotme të Qeverisë, kryeministri foli për prioritetet e sivjetshme, ku e vendosi sërish përfundimin e autostradës Prishtinë-Gjilan.

-Advertisement-

“Autostrada Prishtinë-Gjilan dhe rrugët Prishtinë-Podujevë, Prishtinë-Mitrovicë, Drenas-Skënderaj pritet të finalizohen sivjet”, tha Kurti, duke vlerësuar se 2024 do të jetë “vit i përfundimit të disa projekteve të vjetra dhe fillimi i disa të reja”.

Pas mbledhjes, ministri i Infrastrukturës, Liburn Aliu tha se ky projekt do të përmbyllet sivjet

“Një pjesë e madhe e projekteve nga e kaluara, e që ka qenë si litar nëpër këmbë për ministrinë tonë, do të arrijmë më në fund t’i përfundojmë. Për mua, kjo mbase është ajo që nuk kam dashur shumë të merrem, por që është dashtë të merrem, dhe që jam i gëzuar më shumë se për shumë projekte të tjera, që do të arrijmë t’i përmbyllim përfundimisht projektet me shumë telashe siç është autostrada Prishtinë-Gjilan”, tha Aliu.

 

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker

Të tjera

Fokusi

lajme